روونكردنه‌وه‌یه‌ك له هێزه‌كانی 70ی پێشمه‌رگه‌وه
مسته‌فای سه‌ید قادر كاندیدی گۆڕان بۆ پۆستی وه‌زیری پێشمه‌رگه له ئاخاوتنێكیدا هه‌ڕه‌شه‌ی سزادان و نانبڕینی له‌فه‌رمانده‌و پێشمه‌رگه‌كانی سه‌ر به وه‌زاره‌تی پێشمه‌رگه كردوه، ئێمه له‌هێزه‌كانی 70 به‌و كاندیده‌ی گۆڕان بۆ پۆستی وه‌زیری پێشمه‌رگه ده‌ڵێین له‌كاتی ده‌ستبه‌كاربونیدا بڕیاره‌كانی چه‌ند له سه‌ر هێزه‌كانی 80 و زێره‌ڤانی له‌هه‌ولێرو دهۆك جێبه‌جێده‌كرێ، ئێمه‌ش له سلێمانی و كه‌ركوك و گه‌رمیان و شاره‌زوورو اپه‌رین دوو ئه‌وه‌نده جێبه‌جێ ده‌كه‌ین.
به‌داخه‌وه ئێمه وامانزانی كاندیدی گۆڕان بۆ پۆستی وه‌زیری پێشمه‌رگه پرۆژه‌یه‌كی نوێی پێیه بۆ به‌هاوچه‌رخكردنی وه‌زاره‌تی پێشمه‌رگه‌و پڕچه‌ك كردنی هێزه‌كانی پێشمه‌رگه‌و مه‌شقپێكردن و راهێنانیان له‌سه‌ر شێوازی نوێی سه‌ربازی و باشتركردنی ژیان و گوزه‌رانیان، نه‌ك له‌ئێستاوه هێشتا كه سوێندی یاسایی نه‌خواردوه‌و له‌پۆسته‌كه‌ی ده‌ستبه‌كارنه‌بوه هه‌ڕه‌شه‌ی سزای سیاسی و نانبڕین له‌فه‌رمانده‌و پێشمه‌رگه‌كانی سه‌ر به‌وه‌زاره‌تی پێشمه‌رگه ده‌كات.
لیوا مه‌ردان چاوشین
یاریده‌ده‌ری به‌رِێوه‌بردنی هێزه‌كانی 70
