مەکتەبی سیاسی: هه‌ڵبژاردنی په‌رله‌مان و پارێزگاكان له‌یه‌ككاتدا
هه‌فته‌ی داهاتوو ئه‌نجومه‌نی سه‌ركردایه‌تی كۆده‌بێته‌وه
وته‌بێژ: په‌یوه‌ندیی یه‌كێتی له‌گه‌ڵ پارتی پابه‌نده به‌ڕێكکه‌وتنی ستراتیژییه‌وه
مه‌كته‌بی
سیاسیی یه‌كێتی ته‌ئكیدیكرده‌وه كه‌یه‌كێتی به‌لیستی جیا به‌شداریی
هه‌ڵبژاردنه‌كان ده‌كات و لایه‌نگری ئه‌وه‌شه هه‌ڵبژاردنی په‌رله‌مان و
پارێزگاكان له‌یه‌ككاتدا بكرێت و جه‌ختیشی له‌سه‌ر سیستمی لیستی نیمچه
كراوه كرده‌وه، هەروەک مه‌كته‌بی سیاسی هه‌ڵبژاردنی سه‌رۆكی هه‌رێمی
په‌یوه‌ست كرده‌وه به‌ده‌ستوورو كۆده‌نگی و سازانی نیشتمانییه‌وه.
له‌كۆبوونه‌وه‌ی
دوێنێی مه‌كته‌بی سیاسیدا چه‌ند بابه‌تێكی گرنگ تاوتوێكراو یادكردنه‌وه‌ی
38 ساڵه‌ی یادی دامه‌زراندنی یه‌كێتی به‌شێكی كۆبوونه‌وه‌كه بوو، بۆ ئه‌و
مه‌به‌سته بڕیاریدا لیژنه‌یه‌كی باڵا پێكبهێنرێت و مه‌ڵبه‌نده‌كان و
ئۆرگانه‌كانی تری یه‌كێتی راسپارد به‌وپه‌ڕی شایسته‌ییه‌وه ئه‌و یاده
بكه‌نه‌وه.
هه‌روا كۆبوونه‌وه بڕیاریدا له‌ناوه‌ڕاستی هه‌فته‌ی داهاتوودا كۆبوونه‌وه‌ی ئه‌نجومه‌نی سه‌ركردایه‌تی بکرێت.
هاوكات
ئازاد جندیانی وته‌بێژی مه‌كته‌بی سیاسیی یەکێتی رایگه‌یاند: په‌یوه‌ندی
ی.ن.ك له‌گه‌ڵ پ.د.ك پابه‌نده به‌ڕێكکه‌وتنی ستراتیژییه‌وه.
