به‌م بۆنه‌یه‌شه‌وه مه‌كته‌بی سیاسیی یه‌كێتیی نیشتمانیی كوردستان
وێڕای پێشوازیكردن و ده‌ربڕینی خۆشحاڵی بۆ په‌سه‌ندكردنی ئه‌و بڕیاره،
پیرۆزبایی له گه‌لانی عیراق ده‌كات و هیواداره بڕیاره‌كه ببێته مایه‌ی
رزگاربوون له ته‌واوی ئاسه‌واره خراپ و به‌زیانه‌كانی سیاسه‌تی هه‌ڵه و
چه‌وتی رژێمی له‌ناوچووی به‌عس و سه‌ره‌تایه‌كی نوێی ئومێدبه‌خشیش بێت بۆ
ئاینده‌ی وڵات و گه‌له سته‌مدیده‌كه‌ی له‌پێناو بڕانه‌وه‌ی نه‌هامه‌تی و
ئازاره‌كانیان و ده‌ستپێكردنی قۆناغێكی نوێدا به‌ره‌و بنیاتنانی دیموكراسی.
ئه‌م بڕیاره گرنگه‌ی ئه‌نجومه‌نی ئاسایش ئه‌گه‌رچی دره‌نگ كه‌وت و زۆری
خایاند، به‌ڵام بایه‌خه‌كه‌ی هه‌مه‌لایه‌نه و زۆر بواری هه‌ستیار له
ژیانی عیراقییه‌كان ده‌گرێته‌وه و ده‌روازه‌یه‌كه بۆ قۆناغێكی نوێ، به‌م
پێیه‌ش له‌سه‌ر ئاستی هه‌رێمایه‌تی و ناوچه‌یی كێشه و گرفته‌كانی له‌گه‌ڵ
ده‌وڵه‌تاندا به دانوستان و گفتوگۆ چاره‌سه‌رده‌كات به‌بێ ناوبژیوانی
نه‌ته‌وه یه‌كگرتووه‌كان و ئه‌نجومه‌نی ئاسایش، له‌سه‌ر ئاستی
نێوده‌وڵه‌تی عیراق ده‌گه‌ڕێته‌وه بۆ پێگه و پله‌وپایه‌ی خۆی له
نێوه‌نده جیاجیاكاندا كه پێشتر به‌هۆی سیاسه‌ت و هه‌ڵه‌كانی رژێمی
به‌عسه‌وه لێی بێبه‌ش بوو هه‌روه‌ك كێشه و گرفتی له‌گه‌ڵ زۆر ده‌وڵه‌تدا
بۆ دروست ببوو.
هه‌روه‌ها ده‌ربازبوون له به‌ندی حه‌وت، زامنی گه‌ڕانه‌وه‌ی سه‌روه‌ری ته‌واو و بێ كه‌موكوڕیی عیراقی فیدراڵ ده‌كات و وه‌ك ده‌وڵه‌تێكی فیدراڵی خاوه‌ن جێگه و پێگه له‌ڕووی سیاسی و ئابوورییه‌وه ده‌یخاته‌وه نێو گۆڕه‌پانی هه‌رێمایه‌تی و نێوده‌وڵه‌تی، كه بێگومان ئه‌مه‌ش ره‌نگدانه‌وه‌ی باشی له‌سه‌ر ره‌وشی ناوخۆی وڵات و چاره‌سه‌ری گیروگرفته‌كانی و پته‌وكردنی هه‌نگاوه‌كانی دیموكراسی ده‌بێت، هه‌روه‌ك عیراقێكی فیدراڵی جیاواز و بێ هه‌ڕه‌شه بۆ سه‌ر ئاسایشی و ئاشتیی جیهانی پێشكه‌ش به كۆمه‌ڵی نێوده‌وڵه‌تی ده‌كاته‌وه.
هه‌روه‌ها ده‌ربازبوون له به‌ندی حه‌وت، زامنی گه‌ڕانه‌وه‌ی سه‌روه‌ری ته‌واو و بێ كه‌موكوڕیی عیراقی فیدراڵ ده‌كات و وه‌ك ده‌وڵه‌تێكی فیدراڵی خاوه‌ن جێگه و پێگه له‌ڕووی سیاسی و ئابوورییه‌وه ده‌یخاته‌وه نێو گۆڕه‌پانی هه‌رێمایه‌تی و نێوده‌وڵه‌تی، كه بێگومان ئه‌مه‌ش ره‌نگدانه‌وه‌ی باشی له‌سه‌ر ره‌وشی ناوخۆی وڵات و چاره‌سه‌ری گیروگرفته‌كانی و پته‌وكردنی هه‌نگاوه‌كانی دیموكراسی ده‌بێت، هه‌روه‌ك عیراقێكی فیدراڵی جیاواز و بێ هه‌ڕه‌شه بۆ سه‌ر ئاسایشی و ئاشتیی جیهانی پێشكه‌ش به كۆمه‌ڵی نێوده‌وڵه‌تی ده‌كاته‌وه.
بێگومان بڕیاره‌كه ئه‌وه‌شی لێ چاوه‌ڕوان ده‌كرێت ره‌نگدانه‌وه و
كاریگه‌ریی ئیجابی به‌سه‌ر بواره جیاجیاكانی دیكه‌دا هه‌بێت و كه‌رته‌كانی
ئابووری و دارایی ببوژێنێنێته‌وه و سه‌ربه‌ستی ته‌واو بۆ كاری بانكی و
هاورده‌كردن و بازرگانی و په‌یوه‌ندییه دیپلۆماسییه‌كان و كڕینی ده‌رمان و
پێداویستی ته‌ندروستی بڕه‌خسێنێت، ئه‌مه جگه له په‌ره‌پێدانی
كه‌رته‌كانی كشتوكاڵ و گه‌شتوگوزار و ئاوه‌دانكردنه‌وه و نیشته‌جێكردن و
ژێرخان و كه‌مكردنه‌وه‌ی هه‌ژاری و بێكاری و به‌رزكردنه‌وه‌ی داهات و
باشتركردنی گوزه‌رانی هاووڵاتیان له عیراقی فیدراڵدا.
مه‌كته‌بی سیاسیی یه‌كێتیی نیتشمانیی كوردستان
2013/6/28
2013/6/28
