كوڕێكی ساڵح موسلیم لەپێكدادانێكدا شەهیدكرا

لەپێكدادانێكدا لەگەڵ گروپە توندڕەوەكان لەناوچەی گردەسپی لە رۆژئاوای كوردستان كوڕێكی ساڵح موسلیم هاوسەرۆكی پەیەدە شەهیدبوو.

ئاژانسی هەواڵی فوڕات نیوزی نزیك لەپەكەكە، بڵاویكردەوە: (شەڕڤان موسلیم) كوڕی ساڵح موسلیم هاوسەرۆكی پارتی یەكێتیی دیموكراتی (پەیەدە) كەئەندامێكی یەكینەكانی پاراستنی گەلە، لەگوندی فاتینا-ی ناوچەی گردەسپی نزیك شاری كۆبانی-ی رۆژئاوای كوردستان لەپێكدادانێكدا لەگەڵ چەكدارانی دەوڵەتی ئیسلامی عیراق‌و شام شەهیدكراوە.

بڕیارە پێنج شەممە تەرمی شەڕڤان موسلیم لە گۆڕستانی شەهیدان لەگوندی تەرمیك بەخاك بسپێردرێت.

پۆلێن كردن هه‌واڵى جیهانى