شەوی رابردوو هێزەكانی ئاسایش تۆمەتبارێكی
سەرەكی كەیسی كوشتنی كاوە گەرمیانی دەستگیركراوە كە ناوبراو ئەو كەسەیە بە
دایكی كاوەی وتبوو، مامە كاوەمان بۆ بانگ بكە. لە لێكۆڵینەوە
سەرەتاییەكانیشدا دانی بە تاوانەكەدا ناوە.
سایتی خەندان لە زاری سەرچاوەیەكی
ئاسایشەوە، بڵاویكردەوە: "شەوی رابردوو تۆمەتبارێكی سەرەكی كەیسی كوشتنی
كاوە گەرمیانی دەستگیركراو لە لێكۆڵینەوە سەرەتاییەكانیشدا دانی بە
تاوانەكەدا ناوە".
سەرچاوەكە، روونیكردەوە: ئەو كەسەی شەوی رابردوو دەستگیركرا، ئەو كەسەیە بە دایكی كاوەی وتبوو مامە كاوەمان بۆ بانگ بكە.
وتیشی: ئەو چوار كەسەی تائێستا
دەستگیركراون دانیان بەهیچ شتێكدا نەناوەو لە لێكۆڵینەوەكاندا وتوویانە
شەوی رووداوەكە هەریەكەمان لە جێگەیەكی دیكە بووین.
خەندان، بڵاویشیكردووەتەوە: كە ئەو تۆمەتبارەی شەوی رابردوو دەستگیركراوە فەرمانبەرە لە ئاسایشی جەبارە.
