به‌رپرسی مه‌كته‌بی راگه‌یاندن ئیدانه‌ی تیرۆركردنی كاوه‌ گه‌رمیانی ده‌كات

له‌ بروسكه‌یه‌كدا، به‌رپرسی مه‌كته‌بی راگه‌یاندنی یه‌كێتیی نیشتمانیی كوردستان ئیدانه‌ی تیرۆركردنی رۆژنامه‌نوس كاوه‌ گه‌رمیانی ده‌كات و سه‌ره‌خۆشی له‌ بنه‌ماڵه‌و هاوڕێیانی ناوبراو ده‌كات.
ده‌قی بروسكه‌كه‌:

ئازاد جوندیانی به‌رپرسی مه‌كته‌بی راگه‌یاندنی یه‌كێتیی نیشتمانیی كوردستان ئیدانه‌ی  تیرۆركردنی رۆژنامه‌نوس كاوه‌ گه‌رمیانی ده‌كات و له‌م باره‌یه‌وه‌ رایگه‌یاند: تیرۆركردنی كاوه‌ گه‌رمیانی و له‌به‌رده‌م ماڵه‌كه‌ی خۆیدا، كارێكی قێزه‌ونه‌و به‌توندی ئیدانه‌ی ده‌كه‌ین و داواش له‌لایه‌نه‌ ئه‌منییه‌ به‌رپرسه‌كان ده‌كه‌ین به‌زووترین كات تاوانباران بدۆزنه‌وه‌و راده‌ستی دادگایان بكه‌ن تا به‌توندترین سزای یاسایی بگه‌یه‌نرێن.

هاوكات ئازاد جوندیانی پرسه‌و هاوخه‌می خۆی ومه‌كته‌بی راگه‌یاندنی یه‌كێتیی نیشتمانیی ئاراسته‌ی كه‌س و كارو هاوڕێیان و هاوپیشه‌كانی كاكه‌ كاوه‌ ده‌كات.

پۆلێن كردن هه‌واڵى كوردستانى