عه‌لی
باپیر، ئه‌میری كۆمه‌ڵی ئیسلامی، روونكردنه‌وه‌یه‌كی له‌سه‌ر خه‌ونبینین
بڵاوكردووه‌ته‌وه‌‌و تێیدا ئاماژه به‌وه ده‌كات، كه "بینرانی خوای
به‌رزو بێ وێنه له خه‌وندا، تێكڕای زانایان له‌سه‌ری ڕێككه‌وتوون".
له
روونكردنه‌وه‌كه‌دا عه‌لی باپیر پشتی به كۆمه‌ڵێك ئایه‌ت‌و فه‌رمووده‌ی
پێغه‌مبه‌ری ئیسلام (د.خ) به‌ستووه‌و له‌باره‌ی گێڕانه‌وه‌ی خه‌ونه‌كانی
خۆشییه‌وه ده‌ڵێ "ده‌ركه‌وتو‌وه خه‌ونی راست‌و باشن‌و په‌یوه‌ندیشیان به
به‌سه‌رهاتی ژیانمه‌وه هه‌یه".
ئه‌میری
كۆمه‌ڵی ئیسلامی ره‌خنه‌ی لێده‌گیرێت له گێڕانه‌وه‌ی خه‌ونه‌كانیدا،
هه‌ربۆیه له كۆتایی روونكردنه‌وه‌كه‌دا ده‌ڵێ "ده‌شزانم نه ئه‌و
روونكردنه‌وه‌و نه ده هێنده‌ی دیكه‌ش نابێته مایه‌ی بێده‌نگكردنی دوو
جۆره كه‌س". له‌باره‌ی ئه‌و جۆر كه‌سه‌وه نووسیویه‌تی "جۆرێكیان هه‌ر
حه‌زده‌كه‌ن له‌گۆتره‌و به‌بێ شاره‌زایی قسه بكه‌ن‌و شت بنووسن، بێ گوێ
دانه ئامانج پێكان‌و له‌نیشانه‌دان، جۆرێكی دیكه‌یان له‌ڕووی بوغزو
غه‌ره‌زو كینه‌وه ده‌دوێن‌و ده‌نووسن‌و به‌دوای داخی دڵی خۆڕشتنن، نه‌ك
دۆزینه‌وه‌ی هه‌ق‌و راستی".
عه‌لی
باپیر، ئه‌میری كۆمه‌ڵی ئیسلامی كوردستان له نوێترین یادداشتی خۆی، كه
له گۆڤاری لڤین ده‌ینووسێت باس له یاده‌وه‌رییه‌كانی ژیانی خۆی ده‌كات‌و
له به‌شێكی ئه‌و یاده‌وه‌ریانه‌دا ئاماژه به خه‌ونێك ده‌كات، كه به
پێغه‌مبه‌ر (ص)ه‌وه بینیویه‌تی‌و له خه‌وه‌كه‌یدا میوه‌ی بۆ داناوه."
ئه‌میری
كۆمه‌ڵی ئیسلامی كوردستان ده‌ڵێت:"له خه‌ونمدا پێغه‌مبه‌ر (ص) بووه
میوانم‌و منیش میوه‌م بۆ دانا‌و هه‌ردووكمان پێكه‌وه میوه‌كه‌مان خوارد‌و
دواجار پێكه‌وه رۆیشتین بۆ جه‌نگ‌و جیهاد."
له چاودێرنیوزه‌وه
