زانیاری ورد له‌باره‌ی ئه‌وانه‌ی له‌سه‌ر تیرۆركردنی كاوه‌ گه‌رمیانی ده‌ستگیركراون‌

ژماره‌یه‌ك كه‌س له‌سه‌ر روداوی تیرۆركردنی رۆژنامه‌نوس كاوه‌ گه‌رمیانی له‌لایه‌ن لاینه‌ ئه‌منییه‌كانه‌وه‌ بانگهێشتی لێكۆڵینه‌وه‌  كراون و  له‌و ژماره‌یه‌ش به‌شێكیان ده‌ستبه‌سه‌ركراون.

سه‌رچاوه‌یه‌كی ئه‌منی له‌كه‌لار به‌ PUKmediaی وت:ژماره‌یه‌ك كه‌س به‌تۆمه‌تی تیرۆركردنی رۆژنامه‌نوس كاوه‌ گه‌رمیانی له‌لایه‌ن ده‌زگا ئه‌منییه‌كانه‌وه‌ بانگهێشت كراون بۆ لێكۆڵینه‌وه‌و چه‌ند كه‌سێكیشیان له‌ئێستادا ده‌ستبه‌سه‌رن.

ئه‌و سه‌رچاوه‌ ئه‌منییه‌ ئه‌وه‌شی راگه‌یاند: به‌پێی ئه‌و به‌ڵگانه‌ی ده‌ستیان كه‌وتوه‌و له‌ڕێی كامێراوه‌ ئۆتۆمبێلێكی جۆری تاهۆی ره‌نگ ره‌ش كاره‌كه‌ی ئه‌نجامدابێت.
له‌باره‌ی ئه‌و هه‌واڵانه‌شی له‌هه‌ندێك ده‌زگای راگه‌یاندن بڵاوكراتونه‌ته‌وه‌ گوایه‌ چوار كه‌س به‌تۆمه‌تی تیرۆركردنی كاوه‌ گه‌رمیانی ده‌ستگیركراون و نزیكن له‌به‌رپرسێك، سه‌رچاوه‌ تایبه‌ته‌كه‌ی PUKmedia وتی: ئه‌وه‌ ته‌نها قسه‌ی خه‌ڵكه‌، چونكه‌ له‌به‌ر سه‌لامه‌تی لێكۆڵینه‌وه‌كان ده‌زگا ئه‌منیه‌كان هیچ شتێك له‌باره‌ی ناسنامه‌ی ده‌ستگیركراوه‌كانه‌وه‌ ناڵێن تا لێۆكڵینه‌وه‌كان به‌رده‌وام بن.

شه‌وی پێنج شه‌ممه‌ی رابردو له‌شاری كه‌لالو له‌به‌رده‌م ماڵه‌كه‌ی خۆیدا له‌لایه‌ن چه‌ند چه‌كدارێكی نه‌ناسراوه‌وه‌ ده‌ستڕێژی گوللـه‌ له‌رۆژنامه‌نوس كاوه‌ ئه‌حمه‌ ناسراو به‌كاوه‌ گه‌رمیانی كراو ده‌ستبه‌جێ گیانی له‌ده‌ستدا.

ئه‌وه‌شی وت: سێ بۆ چوار رۆژ پێش روداوه‌كه‌ چه‌ند كه‌سێكی گومانلێكراو له‌نزیك ماڵی كاوه‌ گه‌رمیانی هاتووچۆیان كردوه‌، هه‌روه‌ها 45 خوله‌ك به‌ر له‌ روداوه‌كه‌ش له‌نزیك شوێنی روداوه‌كه‌ به‌سمیكارتێك ته‌له‌فون كراوه‌و خاوه‌نه‌كه‌ی ده‌ستگیركراوه‌.

پۆلێن كردن هه‌واڵى كوردستانى