سەركەوتنو بەرخودانی شەڕڤانانی كوبانیو ئەو داستانەی لەماوەی چەند
مانگێكدا تۆماریان كرد، لەزۆر لاوە جێگەی هەڵوەستەو تێڕامانە. داستانی
کۆبانی لەلایەك قارەمانێتی نەتەوەیەكی بێ دەوڵەتەو لەلایەكی تر هاواری
گەلێكە بۆ ئازادی. کۆبانی، پەیامێک بوو بۆ هەموو زلهێزەكانی دونیا كە كورد
نەتەوەیەكە داگیركاری قبووڵ ناكاتو هیچ هێزێكو هیچ پیلانێكی نێودەوڵەتیش
ناتوانێ ئیرادەی ئەو نەتەوەیە لاواز بكات. ئەمە جگە لەوەی سەركەوتنی کۆبانی
بەتەواوی هاوپەیمانەكانی داعشی تووشی شپڕزەیی كردوهو پیلانی دۆستەكانی
داعشی لەناو برد.
پێشرەویەكانی گروپی تیرۆریستی داعش، دوای ئەوەی كە بەشێكی زۆری خاكی عیراقی داگیركردو بەتایبەتیش دوای ئەوەی هێرشەكانیان بۆ سەر ناوچە كوردیەكان دەست پێكرد، گەیشتبۆوه دۆخێك كە پێویستی بەوەبوو بوەستێنرێتو پێش بەكردەوە قێزەونەكانیان بگیرێت. دواجار ئەم كارە لەکۆبانیو لەسەر دەستی هێزە كوردیەكان ئەنجامدراو بەتەواوی شكۆی داعشیان شكاند.
ئەگەر هاتباو داعش لەكۆبانی سەركەوتنی بەدەست هێنابا، بێگومان قورسایی زیاتری لەناوچەكەدا دورستدەكردو و هێرشەكانیان زیاتر فراوان دەكرد. بەڵام خۆڕاگری ئەو شارەی كە لەپێناوی ئەوەی داگیر نەکرێت چەندین شەهیدی بەخشی، بەتەواوی داعشیان وەستاند. ئەم داستانەی کۆبانی دەكرێت وەكو هاوشێوەی خۆڕاگری (شاری ستالینگراد)سەیر بكرێت، كاتێك لەجەنگی دووهمی جیهانیدا (شاری ستالینگراد) سەركەوت بەسەر نازیداو بووە دەستپێكی روبەڕووبوونەوەو خۆڕاگریو كۆڵنەدان.
جگە لەم سەركەوتنەكە كە گەورەترین سەرمایەیە بۆ كورد، لەهەمانكاتدا کۆبانی هۆكاری ئەوەش بوو كە یەكدەنگی دروسبكاتو لەهەموو پارچەكانی نیشتمانەوە هاوكارییو پشتیوانی بكرێن. هاوكاریاكانیش گەیشتن بەوەی هێزی پێشمەرگە لەباشوورەوە بەرەو رۆژئاوا بچێتو هاوشانی شەڕڤانانی وڵاتپارێز بجەنگن، كە ئەمە كارێكی گرنگ بوو بۆ ئەم قۆناغە، وەك چۆن دەكرێت ئەمە سەرەتایەك بێت بۆ هەنگاوی گەورەتر.
یەكێك لەو خاڵانەش كە جێگەی هەڵوەستەی زیاترەو پێویستی بەوە هەیە زیاتر خوێندنەوەی بۆ بكرێت، رۆڵی (كچانو ژنانە) لەو سەركەوتنەدا، كە ئەوانیش هاوشانی پیاوان پشكی شێریان بەردەكەوێت.
هەرگیز ناكرێت باسی داستانی کۆبانی بكرێتو پێگەو رۆڵی ژن لەو بەرخودانەدا فەرامۆشبكرێت. چونكە ئەوەی لەکۆبانی روویدا زۆر سیحرو بۆچوونی تۆز لێ نیشتووی بەتاڵكردەوە.
چونکه هەمیشە لەكۆمەڵگەی تەقلیدیدا، وەك کۆمهڵگهی ئێمە (ژن)بەلاواز وەسفدەكرێتو هەمیشە مەچەكی هێزو بازوو رووەو پیاوە. بەڵام ئەوەی لەکۆبانی روویدا ئەمە نەبوو، بەڵكو دەركەوتنی هێزو بازووی ژنانی گیان بەخش بوو لەپێناوی ئازادیدا. کۆبانی جارێكیتر مانای بەخشیەوە بەچەمكی ژنو جارێكی تر ئێمەی خستەوە بەردەم تەفسیرێكی تری بۆ ژن. چونكە لەکۆبانی تەنها پیاوان نەبوون كە بەرگریان لەشكۆی شارەكەیان دەكرد، لەوێ ژنیش وەك پیاو لەجەنگدا بوو، پڕ بەگەرووی داوای ئازادی دەكردو شەهید دەبوو.
دەبێت ئەوەشەمان لەیاد بێت، ئەو ئیرادەیهی لای ژن هەیە لەداستانێكی وەكو کۆبانی یان هەربەرخودانێكی تر لەڕۆژئاوا، هەروا بەو ئاسانیە نییە. ئەوەی وایكردووە ژن ئەو ئیرادەیهی هەبێتو بەو ورە پۆڵایینەوە بجەنگێت پەیوەندی راستەوخۆی بەو پەروەردەیەوە ههیه كە لەسەری گۆشكراون.
چونكە ئەوان لەسەرەتاوە بەو قەناعەتەوە هاتوون، كە پێیان وایە نیشتمانێك هەیە پێویستی بەئازادیو سەربەخۆی هەیەو ئەو هەوڵو بەرخودانەش كاری هەمووانە بەژنو پیاوەوە.
ئەم ئیرادەیەش وادەكات لەداستانێكی وەك ئەوەی کۆبانی (ژنبوون) بەرگێكی تری بەربەدا بكرێتو ماناو تەفسیرێكی تر هەڵبگرێت، كە ئەمە سەرەتایەكە بۆ ئازادبوونو دەرچوون لەڕەشەكوژیو چەوسانەو بەلاواز سەیركردنی ژن.
پێشرەویەكانی گروپی تیرۆریستی داعش، دوای ئەوەی كە بەشێكی زۆری خاكی عیراقی داگیركردو بەتایبەتیش دوای ئەوەی هێرشەكانیان بۆ سەر ناوچە كوردیەكان دەست پێكرد، گەیشتبۆوه دۆخێك كە پێویستی بەوەبوو بوەستێنرێتو پێش بەكردەوە قێزەونەكانیان بگیرێت. دواجار ئەم كارە لەکۆبانیو لەسەر دەستی هێزە كوردیەكان ئەنجامدراو بەتەواوی شكۆی داعشیان شكاند.
ئەگەر هاتباو داعش لەكۆبانی سەركەوتنی بەدەست هێنابا، بێگومان قورسایی زیاتری لەناوچەكەدا دورستدەكردو و هێرشەكانیان زیاتر فراوان دەكرد. بەڵام خۆڕاگری ئەو شارەی كە لەپێناوی ئەوەی داگیر نەکرێت چەندین شەهیدی بەخشی، بەتەواوی داعشیان وەستاند. ئەم داستانەی کۆبانی دەكرێت وەكو هاوشێوەی خۆڕاگری (شاری ستالینگراد)سەیر بكرێت، كاتێك لەجەنگی دووهمی جیهانیدا (شاری ستالینگراد) سەركەوت بەسەر نازیداو بووە دەستپێكی روبەڕووبوونەوەو خۆڕاگریو كۆڵنەدان.
جگە لەم سەركەوتنەكە كە گەورەترین سەرمایەیە بۆ كورد، لەهەمانكاتدا کۆبانی هۆكاری ئەوەش بوو كە یەكدەنگی دروسبكاتو لەهەموو پارچەكانی نیشتمانەوە هاوكارییو پشتیوانی بكرێن. هاوكاریاكانیش گەیشتن بەوەی هێزی پێشمەرگە لەباشوورەوە بەرەو رۆژئاوا بچێتو هاوشانی شەڕڤانانی وڵاتپارێز بجەنگن، كە ئەمە كارێكی گرنگ بوو بۆ ئەم قۆناغە، وەك چۆن دەكرێت ئەمە سەرەتایەك بێت بۆ هەنگاوی گەورەتر.
یەكێك لەو خاڵانەش كە جێگەی هەڵوەستەی زیاترەو پێویستی بەوە هەیە زیاتر خوێندنەوەی بۆ بكرێت، رۆڵی (كچانو ژنانە) لەو سەركەوتنەدا، كە ئەوانیش هاوشانی پیاوان پشكی شێریان بەردەكەوێت.
هەرگیز ناكرێت باسی داستانی کۆبانی بكرێتو پێگەو رۆڵی ژن لەو بەرخودانەدا فەرامۆشبكرێت. چونكە ئەوەی لەکۆبانی روویدا زۆر سیحرو بۆچوونی تۆز لێ نیشتووی بەتاڵكردەوە.
چونکه هەمیشە لەكۆمەڵگەی تەقلیدیدا، وەك کۆمهڵگهی ئێمە (ژن)بەلاواز وەسفدەكرێتو هەمیشە مەچەكی هێزو بازوو رووەو پیاوە. بەڵام ئەوەی لەکۆبانی روویدا ئەمە نەبوو، بەڵكو دەركەوتنی هێزو بازووی ژنانی گیان بەخش بوو لەپێناوی ئازادیدا. کۆبانی جارێكیتر مانای بەخشیەوە بەچەمكی ژنو جارێكی تر ئێمەی خستەوە بەردەم تەفسیرێكی تری بۆ ژن. چونكە لەکۆبانی تەنها پیاوان نەبوون كە بەرگریان لەشكۆی شارەكەیان دەكرد، لەوێ ژنیش وەك پیاو لەجەنگدا بوو، پڕ بەگەرووی داوای ئازادی دەكردو شەهید دەبوو.
دەبێت ئەوەشەمان لەیاد بێت، ئەو ئیرادەیهی لای ژن هەیە لەداستانێكی وەكو کۆبانی یان هەربەرخودانێكی تر لەڕۆژئاوا، هەروا بەو ئاسانیە نییە. ئەوەی وایكردووە ژن ئەو ئیرادەیهی هەبێتو بەو ورە پۆڵایینەوە بجەنگێت پەیوەندی راستەوخۆی بەو پەروەردەیەوە ههیه كە لەسەری گۆشكراون.
چونكە ئەوان لەسەرەتاوە بەو قەناعەتەوە هاتوون، كە پێیان وایە نیشتمانێك هەیە پێویستی بەئازادیو سەربەخۆی هەیەو ئەو هەوڵو بەرخودانەش كاری هەمووانە بەژنو پیاوەوە.
ئەم ئیرادەیەش وادەكات لەداستانێكی وەك ئەوەی کۆبانی (ژنبوون) بەرگێكی تری بەربەدا بكرێتو ماناو تەفسیرێكی تر هەڵبگرێت، كە ئەمە سەرەتایەكە بۆ ئازادبوونو دەرچوون لەڕەشەكوژیو چەوسانەو بەلاواز سەیركردنی ژن.