رۆژی 14/2 سەعات ( 3)ی پاشنیوەڕۆ لە یاریگای چیمەنی حەمەی كەریم بە ئامادەبوونی جەماوەرێكی وەرزشی زۆر لە وەرزشكاران و وەرزشدۆستان یاری كۆتایی خولی پالەوانێتی راپەڕین لە نێوان هەردوو تیپی ( شاڵای كفری و كامەرانی رزگاری )دا ئەنجامدرا یارییەكە ئاستێكی باشی هەبوو بە ئەنجامی ( 4 – 2 ) تیپی شاڵای كفری یارییەكەی بردەوە و بۆ دووەم ساڵ لە سەر یەك بووە نوێنەری گەرمیان .شایەنی باسە پاڵەوانێتیەكەش لیژنەی باڵای تیپە میللییەكانی كوردستان بە هاوكاری رێكخراوی روانگە بۆ تیپی میللییی ناوچەی گەرمیان رێكخرابوو .
لە لایەكی ترەوە لە یاریگای شەهید نەجم بە ئامادەبوونی جەماوەرێكی وەرزشی زۆر لە وەرزشكاران یاری كۆتایی خولی لە دایكبوانی ساڵی 1995 لە نێوان هەردوو تیپی ( پێشمەرگەو و هێرۆ )دا ئەنجامدرا یارییەكە یارییەكە ئاستێكی باشی هەبوو ( 2 – 1 ) تیپی پێشمەرگە یارییەكەی بردەوەو نازناوی خولەكەی بە دەستهێنا پاشان لە كۆتایدا خەڵاتی ناوبژیوانان و یاریزانانی هەردوو تیپ كرا . شایەنی باسە خولەكەش لە لایەن تیپی هێرشەوە بە هاوكاری بەرێوەبەرایەتی وەرزشی گەرمیان بۆ ( 16 ) تیپ رێكخرابوو .
هادی ئەحمەد
