پۆلیسی ئیسرائیل ئاشكرای كرد:
دەمانچەیەكیان لە گوندی كەفر قاسم لە ئیسرائیل دۆزیوەتەوە، كە سەددام حسێن،
سەرۆكی رژێمی پێشووی عێراق كردبووییە دیاری بۆ كەسێك لەو گوندە.
سەرچاوەیەك لە پۆلیسی ئیسرائیل باس
لەوەدەكات، لە كاتی گەڕانی مەفرەزەكانیان لە گوندی كەفر قاسم، گومانیان لە
شوفێرێك كردووەو رایانگرتووە، دواتر لە نێو ئۆتۆمبێلەكەیدا دەمانچەیەك
دۆزراوەتەوە كە بە زمانی عەرەبی لە سەری نووسرابووە ''دیاری سەدام حوسێن،
سەرۆكی عێراق بۆ ئەو كەسەی بەرگری لە نیشتمانەكەی دەكات''.
سەرچاوەكەی پۆلیسی ئیسرائیل وتی:
پێدەچێت ئەو دەمانچەیە كرابێتە دیاری بۆ كەسێك كە خزمەتی رژێمی سەددام
حوسێنی كردووە و لەبەرامبەردا وەك پاداشت پێی دراوە.
ئۆتۆمبێلەكە چوار كەسی تێدابووە و هەر چواریان دەستگیركراون، دواتر سێ كەسیان ئازاد دەكرێن و لێكۆڵینەوەی زیاتریش لەگەڵ كەسی چوارەم دەكرێت، بۆ ئەوەی بگەنە سەرەداوی گەیشتنی ئەو دەمانچەیە بۆ ئەو گوندە.
