بەپێی ئەو زانیاریانەی دەست PUKmedia كەوتوون دوای ئەو داوایەی لەلایەن كۆمەڵێك كۆمەڵەو رێكخراوی پێشمەرگە دێرین و كەمئەندامانی سەنگەرو زیندانیانی سیاسیەوە ئاڕاستەی نەوشیروان مستەفا رێكخەری گشتی بزوتنەوەی گۆڕان كرا بۆ كشانەوەی هەڤاڵ ئەبوبەكر سەرۆكی لیستی گۆڕان بۆ هەڵبژاردنی ئەنجومەنی پارێزگاكی سلێمانی دوای ئاشكرابوونی بەڵگەكان لەسەر بەعسی بوونی و رەخنەی توندی خەڵكی سلێمانی، 63 كاندیدی ئەو بزوتنەوەیە بە نەوشیروانیان وتوە: توشی ئیحراجیت كردوین كە بەعسیەكت كردوەتە سەرۆكی لیستی گۆڕان بۆ ئەنجومەنی پارێزگای سلێمانی، چونكە ئەگەر دەنگی بۆ كۆكەینەوە عەیبە، ئەگەر ئەوەش نەكەین زیان بەر لیستەكەمان دەكەوێت و دەنگ ناهێنین.
زانیارییەكان ئەوەش دەخەنەڕوو: لەكۆبوونەوەیەكی نێوان نەوشیروان مستەفاو عومەر سەید عەلی هەڵسوڕاوی دیاری ئەو بزوتنەوەیەدا مشتومڕی توند لەسەر كاندیدكردنی هەڤاڵ ئەبوبەكر رویداوە، ئەویش لەسەر ئەوەی كە بەعسیەكی بۆ سەرۆكی لیستەكەیان لەپارێزگای سلێمانی كاندید كردوە، رێكخەری گۆڕانیش ئەوەی پێوتوە كە ئەگەر لای ببەن ئەوا جۆرێكە لەتێكشكان.
هەر بەپێی زانیارییەكان لەبەرانبەردا عومەر سەید عەلی بەنەوشیروانی وتوە: شتێكت خواردوە قوتدانی بەخوێن و ئازارەوەیەو دەرهێنانەوەشی بەهەمان شێوە.
