ئه‌مه‌ش ده‌قی سوپاسنامه‌كه‌یه:
به سوپاس و پێزانینێكی زۆره‌وه رۆڵی به‌رچاوی ئێوه‌ی خۆشه‌ویست وه‌ك هێزه‌كانی ناوخۆ (پۆلیس، ئاسایش و پۆلیسی هاتوچۆ) و هێزه‌كانی پێشمه‌رگه‌ی كوردستان به‌رز ده‌نرخێنین كه ئه‌مجاره‌ش له رووی دڵسۆزیتان بۆ كوردستان و دیموكراسی و ئازادی وڵاته‌كه‌مان ئه‌ركی خۆتان له پاراستنی هێمنی و ئارامی له ماوه‌ی رۆژانی هه‌ڵمه‌تی هه‌ڵبژاردن و رۆژی ده‌نگدان و دوای ئه‌وه‌ش به سه‌ركه‌وتوویی جێبه‌جێكرد، به سه‌برێكی شۆڕشگێری و به‌وپه‌ڕی له خۆبردوویی و پشوودرێژی پیشه‌ییه‌وه هه‌ڵسوكه‌وتتان كردو ژینگه‌یه‌كی هێمن و ئارامتان بۆ هه‌ڵبژاردن دابینكرد، ده‌ستخۆشیتان لێده‌كه‌ین و ده‌ستی ماندوبوونتان ده‌گوشین و ئه‌و رۆڵه دڵسۆزانه‌تان به‌رز ده‌نرخێنین.
راگه‌یاندنی مه‌كته‌بی سیاسی یه‌كێتیی نیشتمانیی كوردستان
