خاتوو هێرۆ سەنگەرەكانی پێشمەرگە لەباشوری كەركوك بەسەردەكاتەوە

خاتوو هێرۆ ئیبراهیم ئەحمەد سەردانی سەنگەرەكانی پێشمەرگەی كرد لەباشوری كەركوك و رایگەیاند بەرگری و قوربانیدانی هێزی پێشمەرگە بەرامبەر تیرۆریستان، دووبارەكردنەوەی داستانەكانی شاخ و زیندو راگرتنی چیرۆكی قارەمانانەی ئەم هێزەن.

ئەمڕۆ 2015/283  خاتوو هێرۆ ئیبراهیم ئەحمەد ئەندامی مەكتەبی سیاسی یەكێتیی نیشتمانیی كوردستان، سەردانی میحوەرەكانی هێزی پێشمەرگەی كرد لەباشوری كەركوك.

لەو سەردانەیدا، خاتوو هێرۆ لەناو سەنگەرەكانی هێزی پێشمەرگەوە رایگەیاند: چیرۆكی مقاوەمەت و گیانفیدایی ئێوە، سەلماندنی كە درێژەپێدەری رێبازی شەهیدانی رێگەی ئازادی كوردستانن.

وتیشی:بەرگری و قوربانیدانی ئێوە لەسەنگەرەكاندا دژ بەهێزی تاریكی، داستانەكانی رابردوومان بیردەخاتەوە، ئەو كاتانەی داستانیان دژ بەدیكتاتۆرییەت تۆمار دەكرد.

جەختی لەوەشكردەوە كە دیكتاتۆریەت بەو هێزە زەبەلاح و كۆمەكە گەورەیەوە، نەیتوانی ورەی هێزی پێشمەرگە بڕوخێنێت، هیچ هێزێك ناتوانێت ورەی پێشمەرگەی كوردستان و هێزی كوردایەتی بڕوخێنێت.

هەر لەو سەردانەیدا خاتوو هێرۆ، سەردانی د.نەجمەدین كەریم پارێزگاری كەركوك و مەڵبەندی كەركوكی یەكێتیی نیشتمانیی كوردستانی كردو بەگەرمی پێشوازی لێكرا.

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

پۆلێن كردن هه‌واڵى كوردستانى