به‌هۆی بۆمبی چێندراوه‌وه موقه‌ده‌م خه‌لیل ئیبراهیم مسته‌فا له‌گه‌ڵ دوو پاسه‌وانی شه‌هیدبوون.
له‌و باره‌یه‌وه سه‌رچاوه‌یه‌ك له‌هێزه‌كانی پێشمه‌رگه رايگه‌یاند: كه‌مێك پێش ئێستا بومبێكی چێندراو به‌ئۆتۆمبێلی پێشمه‌رگه‌ی
دێرین و فه‌رمانده، موقه‌ده‌م خه‌لیل ئیبراهیم مسته‌فا ناسراو به هه‌ژاری
ئاسایش له گه‌رمیان ته‌قیه‌وه‌و له‌ئاكامدا به‌داخه‌وه ناوبراو دووان
له‌پاسه‌وانه‌كانی شه‌هیدبوون.
سه‌رچاوه‌كه وتیشی: ته‌قینه‌وه‌ی بۆمبه‌كه له‌نزیك گوندی
عه‌تشانه بووه له‌كاتی هێرشی هێزه‌كانی پێشمه‌رگه‌و دژه‌تیرۆر بۆ سه‌ر
مۆڵگه‌كانی تیرۆرستان.
جێی ئاماژه‌یه، موقه‌ده‌م خه‌لیل ئیبراهیم مسته‌فا ناسراو
به هه‌ژاری ئاسایشی گه‌رمیان پێش شه‌هیدبوونی فه‌رمانده‌ی میحوه‌ری كۆباشی
بووه له‌كاتی رزگاركردنی جه‌له‌ولا، هه‌روه‌ها سه‌رپه‌رشتی ئاسایشی ناو
جه‌له‌ولای كردوه.
