یەکەم گرتەی ڤیدیۆیی سەرۆک تاڵەبانی

دوای ئەوەی ئەمڕ كۆبوونه‌وه‌ی‌ جێگران و ده‌سته‌ی كارگێڕی و مه‌كته‌بی سیاسی یه‌كێتی نیشتمانی كوردستان له‌گه‌ڵ سه‌رۆك مام جه‌لال له‌ ماڵه‌كه‌ی خۆی له‌ ده‌باشان كۆتایی هات، ئێستا وێنەو ڤیدیۆی کۆبوونەوەکە بڵاوکرایەوە.
دوێنی21 / 7 / 2014 دووشه‌ممه‌، جێگران و ده‌سته‌ی كارگێڕی و مه‌كته‌بی سیاسی یه‌كێتی‌ نیشتمانی‌ كوردستان سه‌ردانی سه‌رۆك مام جه‌لال-یان كرد.
 دوێنێش كۆسره‌ت ره‌سوڵ عه‌لی، جێگری سكرتێری گشتی یه‌كێتی نیشتمانی كوردستان سه‌ردانی سه‌رۆك مام جه‌لال-ی كرد.
 رۆژی 19ی ئه‌م مانگه‌ مام جه‌لال، سه‌رۆك كۆماری عیراق له‌ رێگه‌ی فڕۆكه‌خانه‌ی نێوده‌وڵه‌تی سلێمانییه‌وه‌ گه‌ڕایه‌وه‌ بۆ شاری سلێمانی.

درێژه‌

به‌ڤیدیۆ.. رزگاركردنی بارمته‌كانی جه‌واهیری مۆڵ له‌لایه‌ن دژه‌ تیرۆره‌وه‌

گرته‌یه‌كی ڤیدیۆیی په‌لاماره‌ تیرۆریستییه‌كه‌ی 4ی ئه‌م مانگه‌ی سه‌ر بینای جه‌واهیری مۆڵی شاری كه‌ركوك نیشانده‌دات كه‌ به‌كامێرای چاودێری مۆڵه‌كه‌ تۆماركراوه‌.

له‌گرته‌ ڤیدیۆییه‌كه‌دا چونی تیرۆریستان بۆ ناو مۆڵه‌كه‌و دواتریش ئازادكردنی بارمته‌كان نیشانده‌دات له‌لایه‌ن هێزی دژه‌ تیرۆره‌وه‌.

هه‌ر له‌گرته‌ ڤیدیۆیه‌كه‌دا ته‌قینه‌وه‌یه‌ك له‌به‌رده‌م جه‌واهیری مۆڵ روده‌دات و دواتریش ئۆتۆمبێلێكی جۆری ئۆپلی ره‌نگ ره‌ش كه‌ به‌ به‌رده‌م مۆڵه‌كه‌دا تێپه‌ڕده‌بێت ده‌گه‌ڕێته‌وه‌و دوو تیرۆریست به‌چه‌كه‌وه‌ داده‌به‌زن و ده‌چنه‌ نێو بینای جه‌واهیری مۆڵ.
رۆژی 4ی ئه‌م مانگه‌ تیرۆریستان هێرشیان كردوه‌ سه‌ر بینای هه‌واڵگری وه‌زاره‌تی ناوخۆی عیراق له‌كه‌ركوك و دواتر دوای زیاتر له‌ 8 سه‌عات رووبه‌ڕووبوونه‌وه‌ له‌نێوان هێزه‌ ئه‌منیه‌كانی كه‌ركوك ‌و تیرۆرستاندا، دواجار بۆ كۆنتڕۆڵكردنی بارودۆخه‌كه‌ هێزێكی تایبه‌تی دژه‌ تیرۆرو هێزه‌كانی ئۆپه‌راسیۆن ‌و عه‌مه‌لیاتی ئاسایشی سلێمانی، چونه‌ كه‌ركوك ‌و دوای روبه‌ڕووبوونه‌وه‌یه‌كی زۆر سه‌ره‌نجام له‌سه‌عات 12 ی شه‌وی 4 له‌سه‌ر 2013/12/5، توانرا بارودۆخه‌كه‌ كۆنتڕۆڵ بكرێت‌ و تیرۆریستانیش به‌سزای ره‌وای خۆیان بگه‌یه‌نرێن.
كه‌ركوك دوای چه‌ند رۆژێك له‌ئارامی، به‌ڵام رۆژی 2013/12/4، ده‌ستی ره‌شی تیرۆرستان گه‌یشته‌وه‌ به‌و شاره‌و سه‌ره‌تا له‌ رێگه‌ی ته‌قاندنه‌وه‌ی دوو ئۆتۆمبێلی بۆمبڕێژكراو و دواتر هێرشێكی خۆكوژیان كرده‌سه‌ر بینای ده‌زگای هه‌واڵگری سه‌ر به‌ وه‌زاره‌تی ناوخۆی عیراق به‌مه‌به‌ستی كۆنتڕۆڵكردنی.
له‌باره‌ی ئه‌و رووداوه‌شه‌وه‌، له‌و رۆژه‌دا سه‌رچاوه‌یه‌ك  له‌پۆلیسی كه‌ركوك راگه‌یاندبوو: په‌لاماره‌كه‌ له‌رێگه‌ی كرده‌وه‌ی خۆكوژی ‌و ته‌قاندنه‌وه‌ی ئۆتۆمبێلی بۆمبڕێژكراوه‌وه‌ ئه‌نجامدراوه‌و مه‌رامی تیرۆریستان كۆنترۆڵكردنی ده‌زگای هه‌واڵگری كه‌ركوك بووه‌.
دوای بێ هیوا بوونی تیرۆرستان له‌ كۆنتڕۆڵكردنی بینای ده‌زگای هه‌واڵگری سه‌ر به‌وه‌زاره‌تی ناوخۆی عیراق، شه‌مشه‌مه‌كوێره‌كانی دژ به‌ڕوناكی‌ و ئاوه‌دانی، چونه‌ ناو مۆڵێكی ئه‌و شاره‌ به‌ ناوی (جه‌واهر) و له‌وێش چه‌ند كه‌سێكیان به‌بارمته‌ گرت، به‌ڵام له‌گه‌ڵ گه‌یشتنی هێزه‌كانی دژه‌تیرۆر، هه‌ر زوو توانیان 11 كه‌س له‌و بارمتانه‌ ئازاد بكه‌ن.
له‌باره‌ی كۆی رووداوه‌كه‌ش، له‌هه‌مان رۆژدا لاهور شێخ جه‌نگی به‌رپرسی ئاژانسی پاراستن ‌و زانیاری هه‌رێمی كوردستان، رایگه‌یاند: هێزێكی تایبه‌تی دژه‌تیرۆر به‌مه‌به‌ستی كۆنترۆڵكردنی بارودۆخی ئه‌منی كه‌ركوك له‌سه‌ر داوای پارێزگاری ئه‌و شاره‌ چونه‌ته‌ كه‌ركوك ‌و روبه‌ڕووی تیرۆریستان بوونه‌ته‌وه‌.

دوو له‌و تیرۆرستانه‌ی كه‌ به‌شدارییانكرد له‌و هێرشه‌ بۆ سه‌ر كه‌ركوك، به‌ڕه‌چه‌ڵه‌ك كورد ده‌رچون كه‌ یه‌كێكیان خه‌ڵكی هه‌ڵه‌بجه‌ بوو، به‌ڵام دواتر له‌ڕوبه‌ڕووبوونه‌وه‌كاندا كوژران.
لای خۆشیه‌وه‌ حاكم فه‌رهاد سه‌رۆكی داواكاری گشتی سلێمانی، رایگه‌یاند: یه‌كێك له‌و تیرۆریستانه‌ی  له‌پێكدادان له‌گه‌ڵ هێزه‌ ئه‌منییه‌كانی كه‌ركوك كوژرا پێش سێ مانگ له‌ دادگای سلێمانی له‌گه‌ڵ چه‌ند تیرۆرستێكی تر دۆسێیه‌یان هه‌بوه‌و هه‌روه‌ها ئه‌و تیرۆریسته‌ فه‌رمانی ده‌ستگیركردنیشی هه‌بوه‌ به‌پێی یاسای تیرۆر.
وتیشی: ئه‌و گه‌نجه‌ خه‌ڵكی هه‌ڵه‌بجه‌یه‌.
حاكم فه‌رهاد رایگه‌یاند: پێشتر ئه‌و كه‌سانه‌ی روویان له‌ سوریا كردوه‌ له‌ دادگا دۆسێیان بۆكراوه‌ته‌وه‌ به‌وپێیه‌ی هه‌ر كه‌سێك په‌یوه‌ندی به‌گروپێكی تیرۆریستییه‌وه‌ بكات به‌تاوانی تیرۆر له‌ قه‌ڵه‌م ده‌درێت ‌و بۆ ئه‌و مه‌به‌سته‌ش له‌لایه‌ن ئاسایشه‌وه‌ زانیاریمان له‌سه‌ر ئه‌و كه‌سانه‌ پێدراوه‌.
دواجار، بارودۆخی ئه‌منی كه‌ركوك له‌لایه‌ن كوڕانی دژه‌ تیرۆرو هێزه‌كانی ئۆپه‌راسیۆن ‌و عه‌مه‌لیاتی ئاساشی سلێمانی كۆنتڕۆڵكرا.

له‌وباره‌یه‌شه‌وه‌، لاهور شێخ جه‌نگی به‌رپرسی ئاژانسی پاراستن‌و زانیاری هه‌رێمی كوردستان، رایگه‌یاند: پوچه‌ڵكردنه‌وه‌ی بۆمبه‌ چێندراوه‌كانی نهۆمی دووه‌می جه‌واهر مۆڵ له‌لایه‌ن پسپۆڕانی دژه‌ تیرۆره‌وه‌ دوو سه‌عاتی خایه‌ندوه‌و، هه‌ڵمه‌تی كۆنتڕۆڵكردنی جه‌واهر مۆڵیش به‌بێ هیچ زیانێكی هێزه‌كانی دژه‌تیرۆر كۆتایی هاتووه‌.
وتیشی: هه‌موو بارمته‌ گیراوه‌كان به‌سه‌لامه‌تی له‌لایه‌ن هێزه‌كانی دژه‌ تیرۆره‌وه‌ رزگاركران ته‌نها یه‌كێكیان له‌لایه‌ن تیرۆرستانه‌وه‌ بریندار كرا.
لاهور شێخ جه‌نگی، راشیگه‌یاند: دژه‌ تیرۆر یه‌كێك له‌تیرۆرسته‌كانی كوشت ‌و یه‌كێكی تریشیان له‌یه‌كێك له‌ نهۆمه‌كانی جه‌واهر مۆڵدا خۆی ته‌قاندوه‌ته‌وه‌و ئه‌وه‌ش بووه‌ی هۆی  ئاگركه‌وتنه‌وه‌.

درێژه‌

ڤیدیۆ.. هەڵمەتی دژە تیرۆر لەكردەوە تیرۆریستیەكەی كەركوك

دوای ئەوەی لەسەر داوای د. نەجمەدین كەریم پارێزگاری كەركوك‌و بەبڕیاری د. خەسرەو گوڵ محەمەد سەرۆكی دەزگای ئاسایشی هەرێم‌و بەسەرپەرشتی لاهور شێخ جەنگی، هێزێكی تایبەتی دژە تیرۆرو ئاژانسی پاراستن‌و زانیاری هەرێم‌و ئۆپەراسیۆنی ئاسایشی سلێمانی گەیشتنە شاری كەركوك‌و هاوشانی هێزەكانی دیكەی شارەكە هەڵمەتێكیان بۆ كۆنترۆڵ كردنی جەواهر مۆڵ ئەنجامداو وێرای ئازاد كردنی چەند بارمتەیەك ئەو مۆڵەیا لەتیرۆریستان پاك كردەوە.

درێژه‌

به‌ ڤیدیۆ : له كفری دۆمەڵانێك كێشی لەكیلۆگرامێك زیاترە

جوتیارێكی ناحیەی سەرقەڵا چەند دۆمەڵانێك دەدۆزێتەوە كە كێشیان زیاترە لە كیلۆگرامێك.
ئەو جوتیارە سەرسوڕمانی خۆی دەردەبڕێت كە هێشتا وەرزی باران بارین‌و بەهار نەهاتووەو دۆمەڵان دەڕوێت، چونكە ئەو روەكە سروشتییە ساڵانە لەدوای وەرزی باران بارین‌و بەتایبەت لەسەرەتاكانی بەهاردا دەڕوێت.

درێژه‌

به‌ ڤیدیۆ.. مێرد مناڵێك دان به‌ كوشتنی 32 كه‌سدا ده‌نێت

مێرد مناڵێكی ته‌مه‌ن 13 ساڵان له‌ كه‌ناڵی ئاسمانی (سورية) باس له‌وه‌ ده‌كات كه‌ 32 كه‌سی كوشتوووه‌.
ئه‌و بارودۆخه‌ی كه‌ ماوه‌ی دوو ساڵ زیاتره‌ باڵی به‌سه‌ر وڵاتی سوریادا كێشاوه‌ وایكردوه‌ مێرد مناڵه‌كانیش توشی تاوان بن و وه‌ك تیرۆریستێك بیربكه‌نه‌وه‌ كه‌ ئه‌و كاره‌ ته‌نانه‌ت بۆ كه‌سه‌ گه‌وره‌كانیش سه‌خته‌، له‌ كه‌ناڵی ئاسمانی (سورية) مێرد مناڵێكی ته‌مه‌ن 13 ساڵان به‌ناوی شه‌عبان عه‌بدوڵڵا حه‌میده‌، باس له‌وه‌ ده‌كات كه‌ چووه‌ته‌ ریزی گروپێكه‌وه‌ به‌ ناوی (سامحني يا بابا) سه‌ر به‌ گروپی تیرۆریستی (احفاد الرسول)ه‌ و تائێستا 32 كه‌سی كوشتووه‌.
شه‌عبان عه‌بدوڵڵا له‌ دایكبووی ساڵی 2000 ه‌و  وه‌ك خۆی باسی لێوه‌ ده‌كات له‌ ته‌مه‌نی 7 ساڵانه‌وه‌، دایكی كۆچی دوایی كردووه‌و باوكی پێش دوو ساڵ ژنی هێناوه‌ته‌وه‌و دوو كوڕی هه‌یه‌ له‌و خێزانه‌ی.
ئه‌و مێرد مناڵه‌ به‌هۆی خاڵیه‌وه‌ كه‌ ناوی (يحيى عزيز العزيز)ه‌ چوه‌ته‌ ریزی گروپی (سامحني يا بابا) كه‌ سه‌ر به‌ گروپی تیرۆریستی (احفاد الرسول)ه‌ و رۆژانه‌ له‌ سه‌عات 7ی به‌یانییه‌وه‌ تا 4ی ئێواره‌ ئه‌و كه‌سانه‌ی كوشتووه‌ كه‌ گروپه‌ تیرۆریستیه‌كه‌ مه‌به‌ستیان بووه‌.
شه‌عبان دان به‌ تاوانه‌كانیدا ده‌نێ و ئاماژه‌ بۆ ئه‌وه‌ ده‌كات كه‌ سه‌ره‌تا پیاوێكی كوشتووه‌ له‌سه‌ر پردی (الشعار) له‌ حه‌له‌ب و  تا سێ شه‌و خه‌وی لێنه‌كه‌وتووه‌ به‌ڵام پاش ئه‌وه‌ راهاتووه‌و كار گه‌یشۆته‌ ئه‌وه‌ی كه‌ نزیكه‌ی  13 هاووڵاتی و 10 سه‌رباز و 9 چه‌كداری نه‌ناسراو بكوژێت.
هه‌روه‌ها هه‌موو ئه‌و كارانه‌ی كه‌ ئه‌نجامی داوه‌ به‌ چه‌كی (قه‌ناس) بووه‌ و سه‌ره‌تا بۆ ماوه‌ی زیاتر له‌ چوار مانگ راهێنانی له‌سه‌ر كردووه‌.

درێژه‌

ڤیدیۆ : به‌ڵگه‌ كه‌ گۆڕان ته‌زویرێكى زۆرى كردووه‌

له‌ كاتێكدا حزبی گۆڕان له‌ كه‌ناڵه‌ جیاكانه‌وه‌ به‌ هه‌موو جۆرێك ڕه‌تى ده‌كاته‌وه‌ كه‌ ساخته‌كارى كردبێت و ده‌نگه‌كانى لیستى 102ى  یه‌كێتى نیشتمانى كوردستان گۆریبێت بۆ خۆی ، ئه‌م ڤیدیۆیه‌ به‌ڵگه‌یه‌كى ته‌واوه‌ بۆ ئه‌و مه‌به‌سته‌ و هیوادارین ته‌ماشاى بكه‌ن خۆتان حوكمى له‌سه‌ر بده‌ن.

درێژه‌

ڤیدیۆ: جیهادى نیكاح له‌ زارى خۆیانه‌وه‌ ببیستن !

یه‌كێك له‌ ئه‌ندامه‌كانى كه‌تیبه‌ى ( سیف الاسلام ) باسی چۆنێتى په‌یوه‌ندى كردن و به‌كارهێنانى خێزانه‌كه‌ى ده‌كات بۆ(نیكاح ) كردن له‌ ڕیزى هێزه‌كانى به‌شار عه‌وه‌ز.. ئه‌م ڤیدیۆیه‌ هیچ كۆمێنتێكى ناوێت و ته‌ماشای بكه‌ به‌شێوه‌یه‌كى زۆر جوان پیَِناسه‌ى ئیسلامى سیاسی بۆ ئه‌كات و ئه‌وانه‌ش ئاشكرا ئه‌كات كه‌ئاينى پیرۆزى ئیسلام بۆ مه‌رامه‌كانیان به‌كار ئه‌هێنن

درێژه‌

ڤیدیۆ.. سەرۆكی پارتی كرێكارانی بەریتانیا هێلكە باران دەكرێت

ئاژانسه‌كان

لەكاتی‌ بەسەركردنەوەی‌ چەند ناوچەیەكی باشوری لەندەن، لەلایەن كەسێكەوە بەهێلكە هێرشكرایە سەر سەرۆكی پارتی كرێكارانی بەریتانیا.

لەبەرامبەر هێرشكردنە سەری، سەرۆكی پارتی كرێكاران، وتی: "ئەمە یەكەمجارە نییە هێرشم دەكرێتە سەر".

جێی ئاماژەیە، ئەمە بۆ یەكەمین جار نییە هێرش دەكرێتەوە ئید ئیلیباند سەرۆكی پارتی كرێكارانی بەریتانیا، بەڵكو لەمانگی‌ ئایاری‌ ساڵی رابردوودا، بەهەمانشێوە، بەهێلكە هێرش كرایە سەری.

درێژه‌