له به‌رواری 2012/12/17 مام
جه‌لال سه‌رۆك كۆماری عیراق نه‌خۆش كه‌وت و بۆ چاره‌سه‌ركردنی پێویستیش له
به‌رواری 2012/12/19 ره‌وانه‌ی وڵاتی ئه‌ڵمانیا كرا، پاش نه‌خۆش كه‌وتنی
به‌ڕێزیان هه‌واڵی چاوه‌شه‌كاری له هه‌ندێك له میدیاكاندا بڵاوكرایه‌وه
گوایه سه‌رۆك كۆمار ناتوانێت جه‌سته‌ی بجوڵێنێت یان سه‌رۆك كۆمار كۆچی
دوایی كردووه‌و له به‌ر بارودۆخی سیاسی هه‌واڵه‌كه بڵاوناكرێته‌وه،
چاوه‌شه‌كارییه‌كان درێژه‌ی هه‌بوو تا رۆژی 2013/5/17 تیمی پزیشكی سه‌رۆك
مام جه‌لال كۆنگره‌یه‌كی رۆژنامه‌وانییان سازدا و تیایدا باری ته‌ندروستی
سه‌رۆك تاڵه‌بانی یان خسته‌ڕوو كه به بارودۆخێكی (زۆرباش) وه‌سفیان كردو
كه‌ناڵی كوردسات-یش چه‌ند وێنه‌یه‌كی سه‌رۆك مام جه‌لال-ی پێشاندا كه له
باخچه‌ی نه‌خۆشخانه‌كه له ئه‌ڵمانیا گفتوگۆ له‌گه‌ڵ تیمی پزیشكی ده‌كات،
ئه‌م هه‌واڵه دڵخۆشیه‌كی زۆری لای خه‌ڵكی كوردستان به تایبه‌ت و عیراق
به‌گشتی دروستكرد.د.نه‌جمه‌دین كه‌ریم رێپێدراو به لێدوان له‌باره‌ی ته‌ندروستی سه‌رۆك تاڵه‌بانییه‌وه رایگه‌یاند: باری ته‌ندروستی سه‌رۆك مام جه‌لال زۆر باشبووه به به‌راورد به پێنج مانگ له‌مه‌وبه‌ر.
د.نه‌جمه‌دین باشبوونی باری ته‌ندروستی سه‌رۆك مام جه‌لال به‌و خێراییه وه‌ك (موعجیزه) ناوبردو جارێكی تریش ته‌ئكیدی له‌وه كرده‌وه كه به‌ره‌و باشتریش ده‌ڕوات، هه‌روه‌ها سوپاسی تیمی تایبه‌ت به چاره‌سه‌ری سه‌رۆك تاڵه‌بانی كرد.
لای خۆشیانه‌وه پزیشكه‌كانی ئه‌و تیمه ته‌ئكیدیان له باشبوونی باری سه‌رۆك تاڵه‌بانی كرده‌وه و وتیان كه دوای باشبوونی ده‌توانێت بگه‌ڕێته‌وه بۆ كاروباری تایبه‌تی خۆی.
هاووڵاتیان ئاهه‌نگ بۆ باشبوونی ته‌ندروستی سه‌رۆك تاڵه‌بانی ده‌گێڕن
شه‌وی 17-5 دوای بڵاوبوونه‌وه‌ی نوێترین وێنه‌ی سه‌رۆك تاڵه‌بانی به‌ته‌ندروستییه‌كی باشه‌وه له‌گه‌ڵ تیمه پزیشكییه‌كه‌یدا هاووڵاتیانی شارو شارۆچه‌كانی هه‌رێمی كوردستان بۆ ده‌ربڕینی خۆشحاڵی خۆیان رژانه سه‌ر شه‌قامه‌كان و به‌هه‌ڵدانی یاری ئاگرین خۆشحاڵی خۆیان ده‌ربڕی و ئاهه‌نگیان گێڕا.
له‌شاری سلێمانی هاووڵاتیان رژانه سه‌ر شه‌قامی سالم و به‌هه‌ڵدانی یار ئاگرین ده‌ستیان كرد به‌ده‌ربڕینی خۆشحاڵی خۆیان و ئاهه‌نگ تا دره‌نگانی شه‌و به‌رده‌وام بوو.
له‌شاری هه‌ولێرو كۆیه‌و شارۆچكه‌كانی تری هه‌رێمی كوردستان هاووڵاتیان به‌شێوازی جۆراوجۆر ده‌ستیان كرد به‌ده‌ربڕینی خۆشحاڵی خۆیان بۆ باشبوونی ته‌ندروستی سه‌رۆك تاڵه‌بانی.
فریاكه‌وتنی سلێمانی.. هیچ كه‌سێك به‌گوللـه بریندار نه‌بوه
هاووڵاتیان بۆ خۆشحاڵی ده‌ربڕین پاش بینینی وێنه‌كانی سه‌رۆك مام جه‌لال، ئاهه‌نگیان گێڕا به هه‌ڵدانی یاری ئاگرینن و ته‌قه كردن، وه‌زاره‌تی ناوخۆش داوای له هاووڵاتیان كرد پابه‌ند بن به رێنماییه‌كانی وه‌زاره‌تی ناوخۆوه‌و ته‌قه نه‌كه‌ن، هه‌واڵی ئه‌وه‌ش بڵاوبووه‌وه كه چه‌ند كه‌سێك به هۆی ئه‌و ته‌قه كردنه‌وه برینداربوون به‌ڵام نه‌خۆشخانه‌ی فریاكه‌وتنی سلێمانی رایده‌گه‌یاند كه هیچ كه‌سێك به‌هۆی ته‌قه‌ی خۆشییه‌وه بریندار نه‌بووه‌و ئه‌وانه‌ی گه‌یه‌نراونه‌ته ئه‌و نه‌خۆشخانه‌یه به‌هۆكاری جۆراوجۆره‌وه برینداربوون.
سه‌رچاوه‌یه‌ك له‌نه‌خۆشخانه‌ی فریاكه‌وتنی سلێمانی به PUKmedia ی رایگه‌یاند كه شه‌وی رابردوو له‌سلێمانی هیچ كه‌سێك به‌هۆی ته‌قه‌ی خۆشییه‌وه بریندار نه‌بووه، واته هیچ كه‌سێك نه‌چوه‌ته نه‌خۆشخانه‌كه‌یان كه به گوللـه بریندار بووبێت.
سه‌رۆك بارزانی خۆشحاڵه
مه‌سعود بارزانی سه‌رۆكی هه‌رێمی كوردستان له په‌یاممێكدا خۆشحاڵی خۆی ده‌ربڕی به‌بۆنه‌ی باشتربوونی ته‌ندروستی سه‌رۆك مام جه‌لال-ه‌وه كه ئه‌م ده‌قه‌كه‌یه‌تی:
به بیستنی هه‌واڵی باشبوونی ته‌ندروستی سه‌رۆك مام جه‌لال، سه‌رۆك كۆماری عیراقی فیدراڵ، زۆر خۆشحاڵ بووم، له‌خوای گه‌وره داواكاراین شیفای ته‌واوی بۆ بنێرێت، هیوادارین به‌زووترین كات به ته‌ندروستییه‌كی باشه‌وه بگه‌ڕێته‌وه ناومان.
خۆشحاڵیه‌كان به‌رده‌وامه
د. مه‌جید حه‌مد ئه‌مین وه‌زیری ته‌ندروستی عیراق خۆشحاڵخۆی ده‌بڕی و رایگه‌یاند: خه‌ڵكی عیراق و كوردستان دڵنیاده‌كه‌مه‌وه كه ته‌ندروستی سه‌رۆك مام جه‌لال زۆر باشه‌و قۆناغی سه‌ختی بڕیوه‌و پیرۆزبایی گه‌رم ئاڕاسته‌ی گه‌لی عیراق و كوردستان و هه‌موو كادیرو لایه‌نگرانی یه‌كێتیی نیشتمانیی كوردستان و بنه‌ماڵه‌ی شه‌هیدان ده‌كه‌م به‌بۆنه‌ی چاكبوونی ته‌ندروستی سه‌رۆك مام جه‌لال-ه‌وه.
له‌لایه‌كی تره‌وه د.خه‌یروڵڵا حه‌سه‌ن بابه‌كر وه‌زیری بازرگانی عیراق خۆشحاڵی خۆی ده‌ربڕی و رایگه‌یاند: ته‌ندروستی مامی مه‌زن پێگه‌یه‌كی تری كورده‌واری كرده‌وه به رووی سه‌ربه‌خۆیدا.
شاجوان دڵخۆشە
لە پەیامێكدا بۆ هەوادارانی لە پەڕەی تایبەتی خۆی لە تۆڕی كۆمەڵایەتی فەیسبووك، شێنێ عەزیز شاجوانی كوردستان، رایدەگەیەنێت: دەركەوتنەوەی سەرۆك مام جەلال لە چەند وێنەیەكی نوێدا، زۆر دڵخۆشی كردم.
دەقی پەیامەكەی شێنێ:
هاوڕێیانی خۆشەویستم سڵاوتان لێ بێت‌و هیوادارم تەندروستی هەموو لایەكتان باش بێت، دوای پێنج مانگ لە نەخۆشكەوتنی جەنابی سەرۆك تاڵەبانی سەرۆك كۆماری عێراق‌و سكرتێری گشتی یەكێتی نیشتمانی كوردستان‌و دەركەوتنەوەی لە چەند وێنەیەكی نوێدا كە باری تەندروستی بەرەو پێشچونێكی باشی بەخۆوە بینیوە، زۆر دڵخۆشی كردم‌و بەو هیوایەم بە زوترین كات بگەڕێتەوە ناومان.
زاخۆ خۆشحاڵه به باشتربوونی ته‌ندروستی مام جه‌لال
هه‌ڤده‌م و دگه‌ل بیستنا هه‌والێ باشتربینا ته‌ندروستیا جه‌نابێ مام جه‌لالی وبه‌لاڤه‌بینا چه‌ند وینه‌یه‌كێن وی یێن نوی حه‌ژێكه‌رو مریدێن وی ل سه‌رانسه‌ری جیهانی وهه‌رێما كوردستانێ وعیراقێ ژی ب ئاوایه‌كێ گشتی ئاهه‌نگ وزه‌ماوه‌ند گێران ده‌ڤه‌را زاخو ژی ژڤێ ئێكێ بێ به‌هر نه‌بی وڤی هه‌والی كه‌یف خوشیه‌كا زور بو هاولاتیێن ده‌ڤه‌رێ په‌یداكر وژپیروزباهی ل هه‌ڤ كرن وگێرانا كه‌یفێ ڤێ روژێ وه‌كه جه‌ژنه‌كێ خویادكر هه‌ر دڤی ده‌رباره‌ی ژی دا هاولاتیێن ده‌ڤه‌رێ خوه‌شحالیا خوه دردبرن وب دلخوشی ڤه هاولاتی (حسێن ئاسهی) دبێژت ئه‌م گه‌له‌ك ب گوهلێبینا ڤی هه‌والی دلخوه‌شبین وبو مه وه‌كو جه‌ژنه‌كی بی ده‌مێ مه زانی كو ره‌وشا ته‌ندروستیا مام جه‌لالی به‌ره‌ف باشترڤه چویه وئه‌م هیڤی خازین كو دده‌مه‌كێ نێزیك دا ڤه‌گه‌رته باوه‌شا وه‌لاتی دیسان هاولاتی (عمر علی) دبێژیت مه باوه‌رنه‌كر كو كه‌نگی دێ مه گوه ل بیستنا هه‌واله‌كێ بڤی ره‌نگی بیت ب راستی ژی ئه‌م گه‌له‌ك پێ ددل خوشن وهیڤی دكه‌ن ب ره‌وشه‌كا هه‌ری باشترڤه جه‌نابێ مام جه‌لالی ب زیترین ده‌م ڤه‌گه‌رته ناف خاكا عیراقێ وهه‌رێما كوردستانێ وخزمه‌تا گه‌ل و وه‌لاتێ خوه بكه‌ته‌ڤه ئه‌ڤ چه‌ند هیڤیا مه هه‌میانه چنكی مام جه‌لالی ڤالاتیه‌ك زور ل عیراقێ ب گشتی وهه‌رێما كوردستانێ ب تایبه‌تی هێلایه,هه‌ژیه بێژن ژی كو ته‌ڤیا هاولاتیێن ده‌ڤه‌رێ بڤێ چه‌ندێ ددلخوه‌شبون
