سه‌رۆکایه‌تی ده‌سته‌ی به‌ڕێوه‌به‌ری KCK خۆشحاڵی خۆی بە باشبوونی
تەندروستی سەرۆك تاڵەبانی نیشاندا و هیوادارە لە ئایندەیەكی نزیكدا به
ته‌ندروستییه‌کی باشه‌وه بگه‌ڕێته‌وه بۆ نیشتمان و بۆ ناو گه‌له‌که.له لێدوانه‌که‌ی ده‌سته‌ی به‌ڕێوه‌به‌ری KCK دا هاتووه: "سه‌رۆک کۆماری عیراق جه‌لال تاڵه‌بانی که له‌مانگی کانونی یه‌که‌می ساڵی 2012 به‌هۆی نه‌خۆشییەکه‌وه تائێستا له ئه‌ڵمانیا له‌ژێر چاودێری پزیشکیدایه، دوای ئەوەی رۆژی هەینی رابردوو چه‌ند زانیارییەك و وێنه‌ی بڵاوکرایه‌وه، ئێمه‌ی زۆر دڵخۆش کرد.
ده‌سته‌ی به‌ڕێوه‌به‌ری KCK راشیگه‌یاند: له‌ناخی دڵه‌وه هیوادارین که مام جه‌لال له‌کاتێکی نزیکدا بگاته‌وه ته‌ندروستییه‌کی باش و بگه‌ڕێته‌وه نیشتمان و له‌سه‌ر خه‌باتکردن به‌رده‌وامبێت.
سە رچاوە/ فیرات نیوس
