له‌وباره‌یه‌وه "مه‌سعود عه‌بدولخالق" چاودێری سیاسی ووتی: هه‌ڵبژاردنی ئه‌م جاره توندی زۆر به‌خۆوه ده‌بینێت له‌به‌رئه‌وه‌ی وه‌كو هه‌ڵبژاردنه‌كانی ڕابردوو نیه‌‌و ده‌نگی ساغ نه‌بۆوه له‌نێوان لایه‌نه‌كاندا زۆره ، له‌به‌رئه‌وه هه‌موو لایه‌ك ئاماده‌ن خاتری یه‌كتری نه‌گرن ، بۆیه چیان له‌ده‌ست بێت ئه‌نجامی ده‌ده‌ن ، وه ئه‌م جاره هیچ جۆره هاوپه‌یمانیه‌تیه‌ك كارگه‌ری نابێت كه له‌نێوان لایه‌نه‌كان هه‌بووبێت ، وه سه‌باره‌ت به‌پۆستی سه‌رۆكی هه‌رێمیش به‌دڵنیاییه‌وه ڕكابه‌ریه‌كه له‌سه‌ر ئه‌و پۆسته زۆر توند ده‌بێت‌و هیچ لایه‌نێكیش پابه‌ند نابن به‌كۆبوونه‌وه‌ی مه‌كته‌بی سیاسی حزبه‌كانیان‌و ململانێكه بۆ مسۆگه‌ركردنی پۆسته‌كه توندی به‌خۆوه ده‌بینێت.
