بڕیاره ئه‌مڕۆ 7-6، مه‌كته‌بی سیاسی یه‌كێتیی نیشتمانیی كوردستان، وه‌ڵامی نامه‌كه‌ی مه‌سعود بارزانی سه‌رۆكی هه‌رێمی كوردستان بداته‌وه له‌باره‌ی پرسی ده‌ستووری هه‌رێم.مه‌كته‌بی سیاسی له‌میانه‌ی كۆبوونه‌وه‌ی دوێنێ، نامه‌كه‌ی به‌ڕێز سه‌رۆكی هه‌رێمی تاووتوێكرد كه له 2013/5/26، بۆ یه‌كێتیی نیشتمانیی كوردستان و لایه‌نه سیاسییه‌كانی تری ناردبوو.
مه‌كته‌بی سیاسی ی.ن.ك، ناردنی نامه‌كه‌ی به هه‌نگاو و ده‌ره‌فه‌تێكی له‌بارو ئیجابی زانی بۆ وه‌دیهێنانی كرانه‌وه‌یه‌كی نوێ له په‌یوه‌ندی نێوان حزبه سیاسییه‌كان بۆ راوێژو بیروڕاگۆڕینه‌وه له‌باره‌ی پرسه گرنگه‌كانی ئه‌مڕۆی كوردستان، به تایبه‌ت مه‌سه‌له‌كانی په‌یوه‌ست به ده‌ستوور.
هه‌ر دوێنێ 6-6، ئازاد جندیانی وته‌بێژی مه‌كته‌بی سیاسی ی.ن.ك، به PUKmedia ی راگه‌یاندبوو: له 24 سه‌عاتی داهاتوودا یه‌كێتیی وه‌ڵامنامه‌كه‌ی خۆی ده‌گه‌یه‌نێته سه‌رۆكایه‌تی هه‌رێمی كوردستان.
