سه‌رۆك وه‌زیرانی عیراق ده‌ڵێت: ئه‌گه‌ر چاوم
به‌بارزانی كه‌وت له‌سه‌ردانه‌كه‌مدا بۆ شاری هه‌ولێر، ئه‌وا پێیده‌ڵێم
"شتێك نییه ناوی مافی چاره‌ی خۆنووسین بێت"ئاماژه به‌وه‌شده‌كات "عیراق
وڵاتێكی یه‌كپارچه‌یه و دیموكراتییه‌تی ئیتیحادییه".
مالیكی ئه‌وه‌شی ئاشكرا كردووه، هیچ كێشه‌یه‌كی شه‌خسی له‌گه‌ڵ
سه‌رۆكی هه‌رێمدا نییه و له‌كاتێكدا گه‌ر چاوی به مه‌سعود بارزانی
بكه‌وێت پرسه جددی و ستانداره‌كان وه‌لا نانێت له‌باره‌ی كێشه‌كانی
ئێستای عیراقه‌وه".
نوری مالیكی سه‌رۆك وه‌زیرانی عیراق له‌میانی چاوپێكه‌وتنێكیدا
له‌گه‌ڵ كه‌ناڵی عیراقییه‌ی نیمچه ره‌سمیی، ده‌ڵێت: هه‌رچییه‌ك هه‌یه
ئه‌مڕۆ ده‌بێت له‌ژێر سه‌قفی ده‌ستووری عیراقدا باسیان لێوه بكرێت".
مالیكی ئه‌وه‌شی خستۆته‌ڕوو، سه‌ردانه‌كه‌ی بۆ هه‌رێمی كوردستان له‌سه‌ر داوه‌تنامه و بانگهێشتی تایبه‌تی هیچ به‌رپرسێك نییه.
مالیكی له‌درێژه‌ی قسه‌كانیدا ده‌ڵێت: شتێك نییه ناوی مافی چاره‌ی
خۆنووسین بێت بۆ كورده‌كان، "ئه‌وه‌ی وتراوه و كراوه، كاتی خۆی له
دانانی ده‌ستووردا هه‌موو لایه‌ك له‌سه‌ری رێكه‌وتوون".
مالیكی ده‌سڵێت: عیراق عیراقی یه‌كگرتووی دیموكراتییه و پێشتر هه‌موو لایه‌كمان له‌سه‌ری رێكه‌وتووین.
بڕیاره له‌م هه‌فته‌یه‌دا كۆبوونه‌وه‌ی ئه‌نجومه‌نی وه‌زیرانی
عیراق له هه‌ولێر به‌ڕێوه‌بچێت و نوری مالیكی سه‌رۆك وه‌زیرانی عیراق
چاوی به‌زۆرێك له‌به‌رپرسانی هه‌رێم بكه‌وێت، له‌ناویاندا مه‌سعود
بارزانی سه‌رۆكی هه‌رێمی كوردستان.
