ئه‌ندامێكی سه‌ركردایه‌تی یه‌كگرتوو هه‌ڵوێستی یه‌كێتی له‌سه‌ر ده‌ستووری هه‌رێم به‌رز ده‌نرخێنێت .د.موسه‌نا ئه‌مین مامۆستای زانكۆ‌و ئه‌ندامی سه‌ركردایه‌تی یه‌كگرتووی ئیسلامی كوردستان له‌لێدوانێكدا وتی، پێم وایه ئه‌و هه‌ڵوێسته‌ی به‌ڕێز كاك كۆسره‌ت له‌هه‌ولێرو نواندی‌و به‌شێوه‌یه‌كی گشتیش هه‌ڵوێستی ی.ن.ك له‌باره‌ی پرسی گه‌ڕاندنه‌وه‌ی ده‌ستوور بۆ په‌رله‌مان‌و هاوهه‌ڵوێستی یه‌كێتی له‌گه‌ڵ ئۆپۆزسیۆن له‌هه‌رێمی كوردستان به‌ڕاستی هه‌ڵوێستێكی بوێرانه‌و به‌هێز بوو .
وتیشی، هه‌ڵوێستێك بوو كه له‌گه‌ڵ خواسته‌كانی جه‌ماوه‌ری كوردستان یه‌كده‌گرێته‌وه، به‌دڵنیاییه‌وه ئه‌و جۆره هه‌ڵوێستانه پێگه‌ی ی.ن.ك زۆر به‌هێزتر ده‌كات، چونكه داخوزییه‌كانی جه‌ماوه‌رو چاكسازی كوردستان له‌خۆ ده‌گرێت، به‌دڵنیاییه‌وه هه‌ڵوێستێكی به‌هێزبوو‌و شایه‌نی نرخاندنه .
