پشتیوانی بۆ پڕۆژه‌ یاساكه‌ی سه‌رۆك مام جه‌لال فراوانتر ده‌بێت

پڕۆژه‌ یاساكه‌ی سه‌رۆك مام جه‌لال بۆ ئاساییكردنه‌وه‌ی سنوری ئیداری پارێزگاكان ره‌هه‌ندی نیشتمانیی به‌ده‌ست هێناو هاوپه‌یمانیی نیشتمانی-یش پشتیوانیی ته‌واوی بۆ دووپاتكرده‌وه‌، خالید شوانی سه‌رۆكی لیژنه‌ی یاسایی له‌نوێنه‌ران رایگه‌یاند: له‌كۆبوونه‌وه‌ی لیژنه‌ی تایبه‌ت به‌پێداچونه‌وه‌و دروستكردنی سازان له‌سه‌ر ئه‌و پڕۆژه‌ یاسایانه‌ی ره‌هه‌ندی نیشتمانییان هه‌یه‌، پڕۆژه‌ یاساكه‌ی سه‌رۆك مام جه‌لال په‌سه‌ندكرا. ئاشكرایكرد فراكسیۆنی هاوپه‌یمانیی نیشتمانی پشتیوانیی ته‌واوی خۆی بۆ ده‌ربڕیوه‌.

وتیشی: هه‌ر له‌كۆبوونه‌وه‌كه‌دا بڕیاردراوه‌ ئه‌و پڕۆژه‌یه‌ وه‌ك یه‌كێك له‌پڕۆژه‌ یاساكان كه‌ره‌هه‌ندی نیشتمانییان هه‌یه‌ له‌كۆبوونه‌وه‌ی سه‌رۆكایه‌تیی ئه‌نجومه‌نی نوێنه‌راندا له‌گه‌ڵ هه‌ردوو لیژنه‌ی یاسایی و هه‌رێمه‌كان گفتوگۆی له‌باره‌وه‌ بكرێت و بخرێته‌ ئه‌جێندای دانیشتنه‌كانی نوێنه‌رانه‌وه‌ بۆ ئه‌وه‌ی له‌م خوله‌ی ئه‌نجومه‌نی نوێنه‌راندا په‌سه‌ند بكرێت.

پۆلێن كردن