له‌چاوپێكه‌ونێكی ته‌له‌فزیۆنیدا وه‌زیرێكی پێشووی لوبنان هه‌ڕه‌شه‌ی
ئه‌وه‌ده‌كات، ئه‌گه‌ر مه‌ترسیی بۆسه‌ر ژیانی به‌شار ئه‌سه‌د دروست
بكه‌ن، ئه‌وانیش كه‌عبه وێران ده‌كه‌ن.ماڵپه‌ڕی ئه‌لعه‌ره‌بیه بڵاویكرده‌وه، دكتۆر (فایز شوكر) كه له‌كابینه‌ی پێشووی حكومه‌تی لبناندا وه‌زیر بووه‌‌و ماوه‌ی (حه‌وت) ساڵیش ئه‌مینداری لقی لوبنانی حزبی به‌عسی سوریا بووه، له‌چاوپێكه‌وتنێكه ته‌له‌فزیۆنیدا له‌گه‌ڵ كه‌ناڵی (otv) دا به‌ئاشكرا باسی له‌وه كرد، (كه‌عبه جگه له‌به‌ردێك هیچ شتێكی دیكه نییه‌‌و كه‌سایه‌تی مرۆڤ له‌و به‌ردانه پیرۆزترن)، بۆیه ئه‌گه‌ر هه‌ڕه‌شه‌كانی ئۆپۆزسیۆن به پشتیوانی سعودیه‌‌و وڵاتانی دیكه بۆ سه‌ر به‌شار ئه‌سه‌د زیاد بكات‌و ژیانی بخه‌نه مه‌ترسیه‌وه، ئه‌وانیش كه‌عبه به‌سه‌ر خه‌ڵكه‌كانی ناویدا ده‌ڕوخێنن.
