له درێژه‌ى یارییه‌كانى هه‌فته‌ی دووه‌می خولی پله یه‌كی یانه‌كانى كوردستان رۆژى 22/10/2013 سه‌عات (3 )ى عه‌سر له یاریگاى یانه‌ى خانه‌قین به ئاماده‌بوونى جه‌ماوه‌رێكى وه‌رزشى له وه‌رزشكاران و وه‌رزشدۆستان یانه‌ى خانه‌قین میواندرى یانه‌ى سیروانی نوێ ى سلێمانى كرد . تایمى یه‌كه‌مى یارییه‌كه ئاستێكى باشى هه‌بوو هه‌ردوو یانه چه‌ند هێرشێكیان كرده سه‌ر گۆڵى یه‌كتر له ئه‌نجامى ئه‌و هێرشانه‌داو له خوله‌كى ( 45 )دا یاریزانى یانه‌ى سیروانى نوێ ( ته‌ها حمه غه‌ریب ) گۆڵێكى بۆ یانه‌كه‌ى تۆماركرد . له تایمى دووه‌مى یارییه‌كه‌دا هه‌ردوو یانه به‌رده‌وام بوون له هێرشه‌كانیان به‌ڵام سه‌رجه‌م هێرشه‌كانیان بێسود بوون سه‌رئه‌نجام یارییه‌كه‌ش ( 1 – 0 )له به‌رژه‌وه‌ندیی یانه‌ی سیروانی نوێ كۆتاییهات .
هادى ئه‌حمه‌د
