رۆژى 1/10 سه‌عات ( 4) له یاریگاى چیمه‌نى حه‌مه‌ى كه‌ریم به ئاماده‌بوونى به‌رێز ئازاد حوسێن فه‌رحان جێگرى به‌رێوه‌به‌رى به‌رێوه‌به‌رایه‌تى گشتى و هونه‌ر و وه‌رزش و لاوانى گه‌رمیان و جه‌ماوه‌رێكى وه‌رزشى زۆر له وه‌رزشكاران و وه‌رزشدۆستان یارى كۆتایى خولى جامى تیپه میللییه‌كانى شارى كه‌لار له نێوان هه‌ردوو تیپى ( پێشه‌نگ و حه‌مه‌ى كه‌ریم )دا ئه‌نجامدرا یارییه‌كه ئاستێكى باشى هه‌بوو له كاتى یاسایدا هه‌ردوو تیپ (0 -- 0)یه‌كسانبوون دواتر تیپى پێشه‌نگ به لێدانى په‌نالتى ( 8 – 7 ) یارییه‌كه‌ى برده‌وه‌و نازناوى جامى تیپه میللییه‌كانى شارى كه‌لارى به ده‌ستهێنا . له كۆتایشدا ناوبژیوانان و یاریزانانى هه‌ردوو تیپ خه‌ڵات كرا . شایه‌نى باسه خوله‌كه‌ش له لایه‌ن لیژنه‌ى تیپه میللییه‌كانى شارى كه‌لار /ه‌وه بۆ ( 39 ) تیپى شارى كه‌لار رێكخرابوو . هادى ئه‌حمه‌د
