رۆژى 15/11/ 2013 سه‌عات ( 2:30)ده‌قیقه له یاریگاى یانه‌ى خانه‌قین به ئاماده‌بوونى جه‌ماوه‌رێكى وه‌رزشى له وه‌رزشكاران و وه‌رزشدۆستان له درێژه‌ى یارییه‌كانى خولى نایابى لاوانى كوردستان هه‌فته‌ى پێنجه‌م تیپى لاوانى یانه‌ى خانه‌قین میواندرى تیپى لاوانى یانه‌ى پێشمه‌رگه‌ى هه‌ولێرى كرد . تایمى یه‌كه‌مى یارییه‌كه ئاستێكى مامناوه‌ندى هه‌بوو هه‌ردوو تیپ به‌بێ گۆڵ یه‌كسانبوون . به‌ڵام له تایمى دووه‌مدا یارییه‌كه ئاستَكى باشترى به خۆوه‌بینى به مه‌به‌ستى گۆڵ تۆماركردن هه‌ردوو لا چه‌ند هێرشێكیان كرده سه‌ر گۆڵى یه‌كتر له ئه‌نجامى ئه‌و هێرشانه‌داو له ده‌قیقه‌ى ( 52)دا یاریزانى لاوانى یانه‌ى خانه‌قین (سۆران حه‌سه‌ن ) تاكه گۆڵى یارییه‌كه‌و بردنه‌وه‌ى بۆ لاوانى یانه‌ى خانه‌قین تۆماركرد . هادى ئه‌حمه‌د
