چاودێرێكی سیاسی ده‌ڵێت به‌هۆی
نه‌خۆشییه‌كه‌ی سه‌رۆك جه‌لال تاڵه‌بانی عیراقییه‌كان بێ به‌ش بوون له
ناوبژیوانه سه‌ره‌كییه‌كه‌ی نێو قه‌یرانه سیاسییه‌كانی عیراق كه ئه‌مه‌ش
بووه هۆكاری به‌رزبوونه‌وه‌ی ئاستی توندوتیژی بۆ دوو ئه‌وه‌نده‌ی ئاستی
خۆی.هه‌ر له‌دوای شه‌رِی عیراق و هه‌ڵبژاردنی فه‌خامه‌تی وه‌ك سه‌رۆك كۆمار، تاڵه‌بانی ته‌مه‌ن 80 ساڵان بووه‌ته كارزانی دانوساندن و ناوبژیوه‌نه‌كانی نێوان لایه‌نه عه‌ره‌به‌كانی سوننه و شیعه له‌لایه‌ك و كورد و عه‌ره‌ب له‌لایه‌كی تر.
ئیحسان ئه‌لشه‌مه‌ری مامۆستای زانسته سیاسییه‌كان له زانكۆی به‌غدا ده‌ڵێت: غیابی تاڵه‌بانی كاریگه‌رییه‌كی قوڵی هه‌یه له‌سه‌ر په‌یوه‌ندییه‌كانی سیاسی نێو لایه‌نه‌كانی عیراقی چونكه توانای راگرتن و رێكخستنی هاوكێشه سیاسییه‌كان بوو، هه‌روه‌ها رێگربوو له هه‌ر لادانێكی سیاسی نه‌خوازراو.
ئاشیگه‌یاندووه: ئه‌م ساڵه به تاڵترین و ناخۆشترین ساڵانی عیراق هه‌ژمارده‌كرێت چونكه بۆ ماوه‌ی ساڵێكه عیراق كه‌وتۆته ژێرباری غیابی پارێزه‌ر و زامنی ده‌ستوری عیراقی.
هه‌روه‌ها ئه‌لشه‌مه‌ری ده‌ڵێت تاڵه‌بانی سه‌رۆك كۆمار رۆڵی وه‌ك سه‌رچاوه‌یه‌كی سیاسی و دامه‌زراوه‌یی له‌عیراق ده‌بینی به‌ڵام له غیابی تاڵه‌بانی گشت ئۆرگان و دام و ده‌زگاكانی عیراق نقوم بووه‌ته نێو چاڵی پشێوی.
سه‌رچاوه : رۆژنامه‌ی (لۆریانت دو ژوغ) ی لوبنانی كۆپی فه‌ره‌نسی
PUKmedia
ئا / دارا فه‌ره‌ج
