ئه‌ندامێكی
سه‌ركردایه‌تی حزبی شیوعی كوردستان به توانجه‌وه په‌یامێك بۆ ئه‌مینداری
یه‌كگرتووی ئیسلامی، ده‌نێرێت‌و، ده‌ڵێت: ئافه‌رین سه‌رۆكی حزبی
یه‌ككرتوو، به‌س ئه‌وه ماوه ئه‌ندامی حزبی شیوعی شه‌هید بوو بیكه‌نه هی
خۆیان.
ته‌ها سلێمان، راشیگه‌یاندووه: قه‌ت ئه‌ندامی بوێرو راستگۆو به‌هه‌ڵوێستیان نه‌بووه‌و نایانبێت.
ئه‌مه‌ش ده‌قه‌كه‌یه‌تی:
یه‌كگرتووی
ئیسلامی به دوای شه‌هیدا بۆ خۆی به ناشه‌رعی ده‌گه‌رێ.. ئافه‌رین بۆ
سه‌رۆكی حزبی یه‌كگرتووی ئیسلامی.. ئیدی به‌س ئه‌وه ماوه هه‌ر ئه‌ندامێكی
حزبی شیوعی شه‌هید بوو بیكه‌نه هی خۆیان.. ناهه‌قیشیان نییه، چونكه
ئه‌وان قه‌ت ئه‌ندامی بوێرو راستگۆو به‌هه‌ڵوێستیان نه‌بووه‌و نایانبێت.
جێی
ئاماژه‌یه، محه‌مه‌د فه‌ره‌ج ئه‌مینداری گشتی یه‌كگرتووی ئیسلامی، له
كۆتایی په‌یامێكیدا سه‌باره‌ت به شه‌هید كردنی رۆژنامه‌نووس كاوه
گه‌رمیانی، نوسیویه‌تی: كاكه كاوه تۆیش ئه‌مڕۆ 12/6، چویته ڕیزی
شه‌هیده سه‌ربه‌رزه‌كانی بادینانی ئێمه, شه‌هیدانی چاكسازی، دڵنیام
مافتان نافه‌وتێت‌و خوای گه‌وره پشتیوانی سته‌ملێكراوانه.
چاودێرنیوز
