ئه‌مساڵ و دوای ئه‌وه‌ی ئێران وڵاتی عیراقی به‌وه تۆمه‌تباركرد كه
چه‌كی كیمیاوی له‌دژی ئه‌و كوردانه به‌كارهێناوه كه ده‌كه‌ونه
ناوچه سنورییه‌كانه‌وه، بۆیه جه‌لال تاڵه‌بانی به شاخه‌كانی ئێراندا
هاته خواره‌وه و تاوه‌كو له رێگه‌ی ده‌ستی یه‌كه‌مه‌وه چیرۆكه‌كه‌ی
هه‌ڵه‌بجه بگه‌ێنێته پایته‌خته‌كانی رۆژهه‌ڵاتی ناوه‌ڕاست و ئه‌وروپا و
ئه‌مریكا.
به‌رێز جه‌لال تاڵه‌بانی كه سه‌ركرده‌یه‌كی كورده‌كانی عیراقه، له یه‌كه‌م ساته‌وه سه‌ركێشی ئه‌وه‌ی كرد و رایگه‌یاند كه حكومه‌ته‌كه‌ی سه‌دام حوسێن تۆمه‌تباره به ئه‌نجامدانی جینۆساید و له رێگه‌ی چه‌كی كیمیاوییه‌وه هێرشی كردۆته سه‌ر كورده‌كان، و به تایبه‌تی له هه‌ڵه‌بجه ، كه شارێكی كوردییه و تێیدا 2000 خه‌ڵك كوژران.
له چاوپێكه‌وتنێكی هه‌فتانه‌دا به‌رێز جه‌لال تاڵه‌بانی ده‌ڵێت" ئه‌مه یه‌كه‌مین جاره له مێژوودا حكومه‌ت چه‌كی كیمیاوی له دژی هاوڵاتیانی مه‌ده‌نی به‌كار بهێنێت، كه ئه‌و هاوڵاتیانه له به‌ره‌كانی جه‌نگدا نه‌بوون".
هه‌روه‌ها ده‌شڵێت" ئێستا حكومه‌تی عیراق رۆژانه چه‌كی كیمیاوی به‌كارده‌هێنێت، ئه‌مه شه‌ڕی عیراقه بۆ جینۆسایدكردنی گه‌لی كورد".
كورده‌كان زمان و كه‌لتور و مێژووی تایبه‌ت به خۆیان هه‌یه و ژماره‌یان نزیكه‌ی 20 ملیۆن كه‌س ده‌بن و له ناوچه شاخاوییه‌كاندا نیشته‌جێن، له توركیاوه بڵاو بونه‌ته‌وه بۆ باكوری عیراق و هه‌روه‌ها له ئێرانیش هه‌ن ئه‌مه جگه له‌وه‌ی ناوچه‌یه‌كی بچوكیش له سوریا و یه‌كێـتی سۆڤێت(جاران).
یاخیبونی كورده‌كانی ئه‌م سه‌ده‌یه له ئێستادا ته‌نها له پێناو ئه‌وه‌دایه سه‌ربه‌خۆیی یان یان ئۆتۆنۆمی له به‌غدا به ده‌ست بهێنن.
به‌رێز تاڵه‌بانی ئه‌و كه‌سه‌یه كه سه‌ركۆنه‌ی عیراقی كرد به‌وه‌ی به زه‌بری هێز به هه‌زاران كوردی ئاواره‌ی ناوچه‌كانی ده‌ره‌وه‌ی كوردستانی كردووه و 1000 گوندی وێران كردووه، جه‌لال تاڵه‌بانی سه‌ركرده‌ی یه‌كێتی نیشتیمانی كوردستانه كه یه‌كێكه له‌و دوو گروپه جیابووه‌وه‌ی عیراق هه‌ماهه‌نگن له له‌گه‌ڵ ئێراندا و له دژی عیراق ده‌جه‌نگن.
له دیمه‌شقه‌وه چه‌ند قسه و وشه‌یه‌كی گه‌رمی له حافز ئه‌سه‌د سه‌رۆك كۆماری سوریاوه پێگه‌یشت كه ركابه‌ری رژێمی عیراق بوو له ئه‌وروپادا، ئه‌و توانی به هه‌زاران ماسكی دژه گاز و ده‌رمان و خواردنی بۆ كورده‌كان ئاماده‌كرد.
جه‌لال تاڵه‌بانی له یه‌كه‌مین سه‌ردانیدا بۆ ئه‌مریكا، ئه‌وه‌ی له دڵیدا بوو گه‌یاندیه نه‌ته‌وه‌یه‌كگرتووه‌كان و راگه‌یاندنه‌كان.
سه‌رچاوه نیویۆرك تایمز/ 22ی حوزه‌یرانی 1988
