تازەپێگەیشتوانی زێرەڤانی لە تازەپێگەیشتوانی شێروانەی بردەوە

رۆژی 7/3/ 2014 سەعات ( 3)ی عەسر لە یاریگای یانەی شێروانە بە ئامادەبوونی ژمارەیەك لە وەرزشكاران و وەرزشدۆستان لە درێژەی یارییەكانی خولی تازەپێگەیشتوانی نایابی یانەكانی كوردستان هەفتەی هەشتەم ، تیپی تازەپێگەیشتوانی یانەی شێروانە میوانداری تیپی تازەپێگەیشتوانی یانەی زێرەڤانی كرد ، تایمی یەكەمی یارییەكە ئاستێكی باشی هەبوو بە مەبەستی گۆڵ تۆماركردن هەردوو تیپ چەند هێرشێكیان كردە سەر گۆڵی یەكتر  لە ئەنجامی ئەو هێرشانەدا و لە دەقیقەی (14)دا یاریزانی تیپی تازەپێگەیشتوانی زێرەڤانی ( كاردوخ عومەر) گۆڵێكی بۆ تیپەكەی تۆماركرد  و هەرلەم تایمەداو لە دەقیقەی ( 45+1 ) یاریزان (سەربەست حوسێن )دووەم گۆڵی  بۆ تیپی زیرەڤانی تۆماركرد ، ئەم تایمە ( 2 – 0 ) بە سوودی تیپی تازەپێگەیشتوانی زێرڤانی كۆتاییهات . لە تایمی  دووەمیشدا یارییەكە گۆڕاو ئاستێكی باشتری بەخۆوەبینی هەردوو تیپ بەردەوم بوون لە هێرشەكانیان بۆ سەر گۆڵی یەكتر، لە دەقیقەی (51)دا یاریزان (ئیبراهیم سەلیم ) سێیەم گۆڵی بۆ تیپی زێرەڤانی تۆماركرد، لە دەقیقەی (60)دا یاریزانی ( ئەحمەد ئەمیر ) چوارەم گۆڵی بۆ تیپی تازەپێگەیشتوانی زێرەڤانی تۆماركرد ،  لە دەقیقەی ( 71 )دا یاریزانی تازەپێگەیشتوانی شێروانە ( دانا كامەران ) گۆڵێكی بۆ تیپەكەی تۆماكرد ، لە دەقیقەی ( 84)دا یاریزان ( سەردار جبار ) گۆڵی دووەمی بۆ تیپی تازەپێگەیشتوانی شێروانە تۆماركرد .
سەرئەنجام یارییەكەش لە بەرژەوەندی تیپی تازەپێگەیشتوانی یانەی زێرەڤانی ( 4 – 2 ) كۆتاییهات .
هادی ئەحمەد

پۆلێن كردن هه‌واڵى وه‌رزشی