جۆن كیری وەزیری دەرەوەی
ئەمریكا لەكاتی كۆبوونەوەی لەگەڵ بەرپرسانی هەرێم داوای پشتگیری كوردی
كردوە بۆ پەلەكردن لەپێكهێنانی حكومەتی نوێی عیراق كە حكومەتی هەموو
پێكهاتە جیاوازەكان بێت، بەوتەی قوباد تاڵەبانیش سەردانی وەزیری دەرەوەی
ئەمەریكا بۆ هەرێم نیشانەی گرنگیدانە بەهەرێمی كوردستان و دۆزینەوەی
ئالیەتێكە بۆ گفتوگۆكردن لەسەر چارەنوسی ئەم وڵاتە.
سەرچاوەیەكی ئاگادار
لەكۆبوونەوەكە رايگەیاند: هاتنی جۆن كیری وەزیری دەرەوەی
ئەمەریكا، گرنگی ئەمەریكایە بۆ پرۆسەی پێكهێنانی حكومەتی نوێی عیراق،
هەروەها كیری داوای پشتگیری كوردی كردوە بۆ پەرەپێدان و پەلەكردن لەپرۆسەی
پێكهێنانی حكومەتێكی نوێ لە عیراق كە حكومەتی هەموو پێكهاتە جیاوازەكان
بێت.
سەرچاوەكە ئەوەشی خستەڕوو كە
لەكۆبوونەوەكەدا كیری ئەوەشی راگەیاندوە: چەند زوتر حكومەتی نوێی عیراق
پێكبهێنرێت، ئەمەریكا زوتر دەتوانێت هەماهەنگ بێت لەگەڵ حكومەتی نوێ
لەدۆزینەوەی چارەسەر بۆ رەوشی ئێستای عیراق.
هەر لەبارەی سەردانەكەی جۆن كیری بۆ هەرێمی كوردستان و كۆبوونەوەی لەگەڵ بەرپرسانی هەرێم، قوباد تاڵەبانی جێگری سەرۆكی حكومەتی هەرێم كە یەكێك بووە لەبەشداربوانی كۆبوونەكە رایگەیاند: سەردانی وەزیری دەرەوەی ئەمەریكا بۆ هەرێمی كوردستان و دیداری لەگەڵ بەرپرسانی سیاسی و حكومی هەرێمی كوردستان، نیشانەی گرنگیدانە بەهەرێمی كوردستان و دۆزینەوەی ئالیەتێكە بۆ گفتوگۆكردن لەسەر چارەنوسی ئەم وڵاتە .
تاڵەبانی راشیگەیاند: ئێمە لەم
كۆبونەوەیەدا بەڕاشكاوانە نیگەرانی خۆمان گەیاندە دۆستە ئەمەریكیەكانمان
لەسەر فەشەلبونی سیاسەتی حكومەتی ئێستای عیراق.هەر لەبارەی سەردانەكەی جۆن كیری بۆ هەرێمی كوردستان و كۆبوونەوەی لەگەڵ بەرپرسانی هەرێم، قوباد تاڵەبانی جێگری سەرۆكی حكومەتی هەرێم كە یەكێك بووە لەبەشداربوانی كۆبوونەكە رایگەیاند: سەردانی وەزیری دەرەوەی ئەمەریكا بۆ هەرێمی كوردستان و دیداری لەگەڵ بەرپرسانی سیاسی و حكومی هەرێمی كوردستان، نیشانەی گرنگیدانە بەهەرێمی كوردستان و دۆزینەوەی ئالیەتێكە بۆ گفتوگۆكردن لەسەر چارەنوسی ئەم وڵاتە .
