تیپی رۆژ هەڵات نازناوی خولەكەی بە دەستهێنا

رۆژی 22/8 سەعات ( 5)ی سەر لە ئێوارە لە یاریگای چیمەنی شەهید رەمەزان گڵاڵی   بە ئامادەبوونی بەرێز تەڵعەت سەعدووڵڵا بەرێوەبەری  بەرێوەبەرایەتی وەرزشی گەرمیان و نوێنەرانی حكومی و حزبی و جەماوەرێكی وەرزشی زۆر لە وەرزشكاران و وەرزشدۆستان یاری كۆتایی خولی كردنەوەی یاریگای چیمەنی شەهید ڕەمەزان گڵاڵی لە نێوان هەردوو تیپی ( رۆژ هەڵات و گازینۆ   )دا ئەنجامدرا یارییەكە ئاستێكی باشی هەبوو لە كاتی یاسایدا هەردوو تیپ  بە دوو گۆڵ یەكسانبوون دواتر تیپی رۆژ هەڵات بە لێدانی پەنالتی ( 13 – 12 ) یارییەكەی بردەوەو نازناوی خولەكەی بە دەستهێنا.
لە كۆتایشدا سەركەوتوان و رەحیم عەلی لە تیپی گازینۆ  بە تۆماركردنی ( 6 ) گۆڵ وەك گۆڵكاری خولەكە و تیپی هونەرمەندان  وەك تیپی نمونەیی خولەكە  خەڵاتكران .
شایەنی باسە خولەكەش بە هاوبەشی لە لایەن هەردوو تیپی گازینۆ و دەریاوە بە هاوكاری بەرێوەبەرایەتی وەرزشی گەرمیان بۆ ( 8 )میللییی شاری كەلار بە بۆنەی كردنەوەی یاریگای چیمەنی شەهید ڕەمەزان گڵاڵیەوە رێكخرابوو .
هادی ئەحمەد

 

                                                                           

پۆلێن كردن هه‌واڵى وه‌رزشی