ده‌وڵه‌تی ئیسلامی ناسراو به ( داعش) به‌بۆنه‌ی ده‌ستپێكردنه‌وه‌ی ساڵی
نوێی خوێندن به‌یاننامه‌یه‌كی بڵاوكرده‌وه‌و تیایدا داوا له مامۆستایان
ده‌كات سه‌باره‌ت به‌و وێنه‌و سرووده نیشتمانیانیه‌ی له‌ناو پرۆگرامی
خوێندن له كتێبی فێركردنی خوێندكاراندا هه‌ن بیانسڕنه‌وه.
له به‌یاننامه‌یه‌كیدا، كه وێنه‌یه‌كی ده‌ست خه‌ندان كه‌وتووه، داعش له موسڵ له‌گه‌ڵ ده‌ستپێكردنه‌وه‌ی ساڵی نوێی خوێندن، ئه‌م 10 داواكارییانه‌ی له مامۆستایان هه‌یه:
1- سڕینه‌وه‌ی رسته‌ی كۆماری عیراق و نوسینی ده‌وڵه‌تی ئیسلامی له‌بری له‌سه‌ر كتێبی پرۆگرامی خوێندنی ئه‌مساڵ.
2- سڕینه‌وه‌ی رسته‌ی وه‌زاره‌تی په‌روه‌رده‌و خوێندن و گۆڕینی به دیوانی فێركردن.
3- شاردنه‌وه‌ی هه‌موو ئه‌و وێنانه‌ی كه له‌گه‌ڵ شه‌ریعه‌تی ئیسلامدا ناگونجێن.
4- سڕینه‌وه‌ی ئه‌و سروود و شیعرانه‌ی كه كفر و شیرك و خۆشه‌ویستی نیشتمانیان تێدایه .
5- خوێندنی چه‌مكی به ئیسلام بوون شوێنكه‌وتوانی و دووركه‌وتنه‌وه له هاوبه‌ش په‌یداكردن و شوێنكه‌وتوانی و وڵاتی ئیسلام ده‌بێت شه‌رعی خودا حوكمی بكات نه‌ك چه‌مكی نیشتمانپه‌روه‌ریی و ره‌گه‌زپه‌رستی و ..... هتد.
6- مامۆستای قه‌واعیدی زمانی عه‌ره‌بی سه‌رجه‌م ئه‌و نمونانه ده‌سڕنه‌وه له پرۆگرامی خوێندندا كه له‌گه‌ڵ شه‌ریعه‌تی ئیسلامدا ناگونجێن.
7- سڕینه‌وه‌ی هه‌ر وانه‌یه‌كی بیركاری كه ئاماژه به سوو دیموكراسی و هه‌ڵبژاردن ده‌دات.
8- سڕینه‌وه‌ی هه‌ر وانه‌یه‌ك له زانست كه باس له تیۆری داروین ده‌كات له‌باره‌ی ده‌ستپێكردنی بوونه‌وه‌ر له‌نه‌بوون .
9- ئاگاداركردنه‌وه‌ی به‌رده‌وامی خوێندكاران به‌وه‌ی كه یاساكانی فیزیا و كیمیا له‌لایه‌ن خوداوه دروستكراون.
10- ئه‌م گشتاندنه هه‌موان پێوه‌ی په‌یوه‌ستن، ئه‌گه‌رنا ئه‌وا سه‌رپێچیكار سزا ده‌درێت.
لە خەندانەوە وەرگیراوە
