رۆژی 16/10 سەعات (3)ی عەسر لە یاریگای شەهید مام جەلال مەسۆیی بە ئامادەبوونی بەرێوەبەری بەرێوەبەرایەتی وەرزشی گەرمیان و لێپرسراوانی حكومی و حزبی و جەماوەرێكی وەرزشی لە وەرزشكاران وەرزشدۆستان لە مەراسیمێكی شایستەدا خەڵاتی ناوبژیوانان و دیار حەمزە لە تیپی شاڵاو وەكو باشترین یاریزان و ئەحمەد ئیبراهیم لە تیپی گەرمیان باشترین گۆڵچی خولەكە و سامان شێرزاد لە تیپی گەرمیان وەك گۆڵكاری خولەكە بە تۆماركردنی ( 6 )گۆڵ یاریزانانی هەردوو تیپی (شاڵاو و گەرمیان) كرا . تیپی شاڵاو بە كۆكردنەوەی ( 18)خاڵ و بە جیاوازی گۆڵ نازناوی ناوی خولی تیپە پلە یەكانی شاری كفری بەدەستهێنا . شایەنی باسە خولەكەش لە لایەن لیژنەی تیپە میللیییەكانی شاری كفرییەوە بە هاوكاری بەرێوەرایەتی وەرزشی گەرمیان بۆ ( 10)تیپ رێكخرابوو . لە لایەكی ترەوە : هەمان رۆژ لە هۆڵی یاریگای شەهید مام جەلال مەسۆیی خولی ناوبژیوانانی شاری كفری بە مەبەستی زیاتر ئاشنا بوون بەیاساكانی تۆپی پیێ كۆتاییهات وانەكانی خولەكەش لە لایەن هەردوو بەرێزان ماموستا ( سەلاح محەمەد كەریم ) وانە بیژی نیو دەولەتی و (تەلعەت سەعدووڵڵا) ناوبژیوانی پلە یەكی عیراق و كوردستان و وترانەوە . پاشان بروانامەی بەشداربوون بە سەر بەشداربوانی خولەكەدا دابەشكرا . خولەكەش لە لایەن بە رێوەبەرایەتی وەرزشی گەرمیان بە بەشداری ( 20) ناوبژیوان رێكخرابوو .
هادی ئەحمەد
