له‌كه‌لار باندێكی دزیكردن له‌ماڵان ده‌ستگیرده‌كرێن

له‌لایه‌ن هێزه‌كانی ئاسایشی گه‌رمیانه‌وه‌ باندێكی رفاندنی ماڵان   ده‌ستگیرده‌كرێن ، ئه‌مه‌ش دوای روودانی چه‌ند حاڵه‌تێكی دزیكردن له‌ماوه‌ی چه‌ند رۆژی رابردوودا. 

مولازم عوسمان عه‌بدولكه‌ریم به‌رپرسی راگه‌یاندن و په‌یوه‌ندیه‌كانی ئاسایشی گه‌رمیان رايگه‌یاند: له‌لایه‌ن هێزه‌كانی ئاسایشی گه‌رمیانه‌وه‌ باندێكی دزیكردن له‌ماڵان كه‌  ژماره‌یان سێ كه‌سه‌ و خه‌ڵكی گه‌ڕه‌كی ئازادی كه‌لارن ، ده‌ستگیركراون . 

وتیشی :هه‌ر سێ تۆمه‌تباره‌كه‌ كه‌ناویان ( ح ا غ ، ب س ع ، ا ت م ) و كوردن دانپێنادانی سه‌ره‌تاییان به‌تاوانه‌كانیاندا ناوه‌و دزیان له‌شه‌ش ماڵكردوه‌ له‌ناو شاری كه‌لار ، به‌تایبه‌ت ئه‌و  له‌و  ماڵانه‌ دزیان كردوه‌، كه‌ ئه‌ندامانی خێزانه‌كه‌یان له‌ماڵ نه‌بوون و  ماڵه‌كانیان چۆڵكردوه‌. 

ئه‌وه‌شی ئاشكراكرد: له‌كاتی ده‌ستگیركردنیاندا ده‌ست به‌سه‌ر سێ ده‌مانچه‌ و دوو هه‌زار و 500 دۆلاری ئه‌مریكی و زێڕو بۆنی گرانبه‌هادا گیراوه‌ .

باسیله‌وه‌شكرد: ئه‌و تۆمه‌تبارانه‌ له‌رێگه‌ی دزینی شمه‌ك و پاره‌وه‌ ئۆتۆمبێلێكی جۆری  دایۆیان كڕیوه‌، و له‌ئێستادا به‌پێی مادده‌ی 444 سزادانی عیراقی له‌لایه‌ن دادوه‌ری لێكۆڵینه‌وه‌وه‌ راگیراون . 

سامان یاروه‌یس 

‌

پۆلێن كردن هه‌واڵى كوردستانى